بیجنگ۔22مئی (اے پی پی) فیڈریشن آف پاکستان چیمبر آف کامرس اینڈ انڈسٹریز (ایف سی سی آئی) ئِ صدر عبدالروف عالم ئَ گوشت کہ چین پاکستان ئَ ھوار سرجمیں دُگنیا ئِ ملکانی وشھالی ئَ پہ ھُدوک اِنت۔ گریبیں ملک آنی دیمروئی ئِ ھاترا چینی نمونگ روبرکتی نمونگ ئَ چہ جوانترا ِنت، چینی کمک لس نہ اَنت۔ چین ئِ نیمگ ئَ چہ پاکستان ئَ اقتصادی راہداری منصوبگ ئُُ 64ارب ڈالر ئِ سرمایہ کاری ئَ چہ ملک ئِ کسمت مٹ بیت۔ ایش پاکستان ئِ راجدپتر ئَ نامدار تریں پراجیکٹ اِنت، ایشرا زوت سرجم کنگ ئِ ھاترا حکومت ئُُ اُرد ئِ واھشت ستا کرز اَنت۔ آئی ئَ اے گپ چین ئِ شہر سیان ئَ بوتگیں سلک روڈ انٹرنیشنل ایکسپو ئَ کانفرنس ئَ گوں گشتانک ئِ ساھت ئَ گوشت اَنت۔ ایشی ئِ تہ ئَ سرجمیں دُگنیا ئَ چہ یک لکھ کاروباری مردم ، سد آنی کساس ئَ سفارتکار ئُُ شش ھزار دو سد ئُُ پنجاھ کمپنی آں بھر زُرت۔ آئی ئَ گوشت کہ چینی رھشون آنی نیمگ ئَ چہ پاکستان ئَ را ایندگہ ملک آنی رد ئَ گیش ترجی دیگ اے دوئیں ملک آنی جھلانکیں دوستی ئِ سبب اِنت، اے بابت ئَ ماآوانی منت وار آں۔