حکومت و پاک فوج ضلعی انتظامیہ اواری اٹ نوکاپ زہمی تا بحالی کن کوشست کننگ اٹی ءُ، فوکل پرسن سینیٹر ثمینہ ممتاز زہری

کوئٹہ۔ 02 ستمبر (اے پی پی) حکومت بلوچستان نا فوکل پرسن نوکاپ زہمی امداد سینیٹر ثمینہ ممتاز زہری پارینے کہ نوکاپ زہمی تا بحالی و زہمی علاقہ غاتیٹی نسخان تا پوروی کن او بلوچستان نا نوکاپ زہمی تیکن ہر فورم آ توار بڑز کیک، بلوچستان نا نوکاپ زدہ مخلوق ہرا سختی و ڈکھیائی آن گدرینگ انگ ءُ ننے اونا احساس ارے۔ داہیت ءِ او ضلع لسبیلہ نا نوکاپ زہمی تحصیل بیلہ نا خلق کاٹھورنا دورہ ءِ کننگ نا وخت آ گپ وتران کرسا پارے۔ حکومت بلوچستان نا فوکل پرسن نوکاپ زہمی امداد سینیٹر ثمینہ ممتاز زہری داوخت آ نوکاپ زہمی تتون ملا۔ 200 آن زیات خاہوت آتا دادرسی ءِ کرے و نوکاپ زہمی تیٹی کمکی گڑا بشخا ۔ او نوکاپ زہمی زالبول آتون ملا، حال پرسی ٹی اوفتیان کمکی سرجزآتا بابت معلومداری ہلک۔ نوکاپ زہمیک اودے پاریر کہ او تینا کمک تینٹ نا رداٹ عارضی وڑاٹ جوڑ کروک آ جُھگ آتیٹی رہینگ انگ ءُ، انتظامیہ کچ اٹنگا وسیلہ غاتون زہمی تیکن کمکی سرجزآتے برجاتخانے ولے نوکاپ نا بھلو کچ اسے آ بھسکاری تیان اوفتا اُراک ، روزگار ناذریعہ کل گڑاک چٹانو، دُوارہ بحالی و آبادکاری کن بنجا وصوبہ غاتے اواری اٹ گام گیج کروئی مریک۔ داوخت آ حکومت و پاک فوج ضلعی انتظامیہ اواری اٹ نوکاپ زہمی تا بحالی کن کوشست کننگ ءُ ولے بطور سینیٹر او لسبیلہ نا نوکاپ زدگان تیکن وزیراعظم پاکستان آن خصوصی ریلیف پیکج نا منظوری ءِ ترفنگ نا کوشست کیک، داچرجوئی ٹی بلوچستان عوامی پارٹی سیوتی جماعت آتون اواری اٹ کوشست کننگ ءِ۔