اسلام آباد۔ 21مئی (اے پی پی) درئی کارانی مشیر سرتاج ئَ گوشت کہ پاکستان ئُُ چین ئَ 65سال آنی تہ ئَ جوانیں گامگیج بے دروریں رنگ ئَ شریکداری ئِ گوما مھکم داشتگ۔ بے دروریں تعلکداری ئَ را گیش مھکم کنگ ئِ ھاترا مارا وتی زمہ واری پیلو کنگی اَنت۔ اے گپ آئی ئَ پاک چین درئی تعلکداری ئِ 65شست ئُُ پنچمی سال ئِ سر جم بوھگ ئِ سر ئَ چینی درئی کارانی وزیر ئَ وتی پنت ئُُ شونی کلوہ ئِ تہ ئَ گوشت۔ درئی کارانی کارگس ئِ رد ئَ پاک چین تعلکداری ئِ شست ئُُ پنچ سال سرجم بوھگ ئِ سر ئَ درئی کارانی مشیر سرتاج عزیز ئَ گوں چین ئِ درئی کارانی وزیر ئَ پنت ئُُ شونی کلوہ وت مہ وت درشان کُت اَنت۔ سرتاج عزیز ئَ چین ئِ درئی کارانی وزیر ونگ ئی ئَ را کلوہ ئِ تہ ئَ گوشت کہ ما بے دروریں رنگے ئَ دوئیں ملکانی نیام ئَ مھکمیں دابے ئَ شریکداری ئَ ر گیش ودینتگ۔ مئے رہبر آں بے پنگ ئَ وت مہ وتی کمک ئُُ یکوئی تپاکی ئِ بُن ھِشت ایر کُتگ۔ مئے مردماں بازیں کربانی داتگ ئُُ شاہراہ ئِ قراقرم ئِ دگ جوڑ کتگ۔ مئے اُلس آں سکیں ساھت آں ھم یک ئِ دومیگ ئِ ھمبراہ داری کتگ۔ سرتاج عزیز ئَ وتی بیان ئِ تہ ئَ گوشت کہ اے مئے زمہ واری اِنت کہ اے تعلکداری ئَ را بدار اَنت ئُ ایشرا کوھنڈگ ئَ مھکم ئُُ بالا بہ برآں۔ آئی ئَ گوشت کہ پاکستان ئُُ چین ئِ نیام ئَ اسٹریٹیجک کمک برجا اَنت۔ پاک چین اقتصادی راہداری ئِ ھاترا مئے یکجاھی وژن ، کمک ئُُ دمگی یکوئی ئِ آدینک اِنت۔ ایشی ئَ چہ دوئیں ملک آنی نیام ئَ اسٹریٹیجک پارٹنرشپ کوھنڈگ آنی سر ئَ سر بیت۔ چین یک اَنچیں ملک اِت کہ ایشی ئَ جوانیں راج ئِ رنگ ئَ وتی روایت ئُُ جدیدیت ئَ را یکجا کتگ۔
