شدت دوستیں بی جے پی مقبوضہ کشمیر ءَ را ہندوتوا ءِ دمگ جوڑ کنگ  لوٹاں، مشعال ملک

راولپنڈی۔5اگست  (اے پی پی):چیئرپرسن پیس اینڈ کلچرل آرگنائزیشن مشعال ملک ءَ گشتگ کہ شدت دوستیں  بی جے پی  مقبوضہ کشمیر ءَ را  ہندوتوا ءِ دمگ  جوڑ کنگ لوٹاں، مقبوضہ کشمیر ءَ سئے سال ءَ چہ بے گناہیں کشمیری آنی نسل  کشی کنگ بوہگءَ اِت، مقبوضہ کشمیر ءَ امیچو زلم ء ُ ناحکی بوتگ   راج دپتر ءِتہا ایشی ءِ ایچ وڑیں  درور نیست،  فاشٹ نریندر مودی ء ُ بھارتی فوج ءَ مقبوضہ کشمیر ءَ 60 لکھ بھارتی شہری آناں  ڈومیسائل دیئگ ء  ِ مول  ء ُ مراد کشمیری آناں اقلیت ءِ تہا مٹ کنگ بوہگءَ اِنت، پنجاپ آرٹس کونسل ءَ کشمیر ” یوم استحصال ” ءِ ہوالگءَ بوتگیں  زھرشانی روانک ءُ بھارتی زلم ء ُ ناحکیانی عکسی نماش ءِ وہدءَ آئی ءَ گشتگ کہ منی لوگ واجہ یاسین ملک ءَ را  ڈیتھ سیل ءِ تہ ءَ ایر کنگ بوتگ آئی ءِ جان ءَ را خطرہ اِنت، بھارتی  کشمیری لاشانی ب شرپی ءَ کن اَنت، اقوام متحدہ ، سکیورٹی کونسل ، یورپی یونین ء ُ  ایندگہ میاں اوستمانی ادارگ مقبوضہ کشمیرءَ انسانی حکانی حلاپ ورزی ءِ سرءَ حاموش اَنت، آ وہد دور نہ اِنت بھارتءَ را سرجمیں دنیاءَ را وتی زُلمانی حساب دئیگ لوٹ ایت۔ گڈ سرءَ آئی ءَ گشتگ کہ من ڈائریکٹر پنجاپ آرٹس کونسل وقار احمد ء ُ ناہید منظور ءِ شکرء ُ منت ءَ گراں کہ ا ے ادارگ ءَ دائم ءَ کشمیری آنی توار چست کتگ، اے موہ ءَ ڈائریکٹر آرٹس کونسل وقار احمد ءَ گشتگ کہ یاسین ملک تنا کشمیر ءِ نہ اے خطہ ءِ امنء ُ ایمنی ء ُ آجوہیءِ چیدگ اِنت، فاشٹ بھارتی حکومت ءِ یاسین ملک ء را اُمبر کیز دیئگ ءِ فیصلہ بے آئینی ء ُ یک نیمگی اِت،مہ یک رندے  پدا میاں ا وستمانی براتی ءَ گوں دزبندی کناں کہ مقبوضہ کشمیر ءَ اقوام متحدہ سکیورٹی کونسل ءِ تپاک نامہ آنی سرءَ  عمل کنگ ءُ  مردمانی گپ سوج گوشدارگ بہ بنت تنکہ مقبوضہ کشمیر ءِ  آجوہی ءِ تحریک ءَ را یک منزلے سربہ بیت، آجوہی ءِ تحریک ءِ ھاترءَ بے مٹیں قربانی دیئگ ءَ پاکستانی اُلس حریت راہشون، کشمیر ءِ شہید ء ُ غازی آناں سلام پیش کنت۔