ہندو توا ایجنڈے ءِ سرءَ عمل  کنوکیں مودی ءِ بیمناکیں دیم سرجمیں دنیا ءِ دیما پدر بوتگ، کشمیرءِ جیڑہ نوں پیسر ءَ گیش پدر بوتگ، آزاد کشمیر ءِ صدر بیرسٹر سلطان محمود

مظفرآباد ۔5اگست  (اے پی پی):آزاد جموں و کشمیر  ءِ صدر بیرسٹر سلطان محمود چوہدری ءَ گشتگ کہ پنچ اگست  2019 ءِ گامگیج ءَ چہ بھارت ءَ مقبوضہ کشمیرءِ حاسیں ارزشت ہلاس کتگ کہ آئیءِ مول ء ُ مراد کشمیرءِ جدوجہد ءَ ہلاس کنگی بوتگ بلے آ سرجم ءَ سوبین نہ بوتگ،مودی ہندوتوا ءِ ایجنڈا ءِ سرءَ عمل کنگءَ اِنت کہ آئی ءِ بیمناکیں دیم سرجمیں د نیاءِ دیما  پدر اِنت۔آئی ءَ گشتگ کہ من کشمیر گس ءِ ہمیں ہال ءِ تہا آزاد کشمیرءِ درائیں سیاسی جماعت آناں یکجاہ کتگ، کشمیرءِ جیڑہ ءِ سرءَ گپ کتگ، درس اے جیڑہ ءِ سرءَ یک مشت اَنت، اسلام آباد ءَ مظفرآباد ءَ مزنیں روانکے درکنگ بوتگ۔ آئی ءَ گشتگ کہ   من برسلز، آئرلینڈ ء ُ برطانیہ شتگ اَں منی گوں سرجمیں دنیاءَ مزنیں اُمیت اَست۔ انسانی حکانی کمیٹی ء ِ سروک ءَ گوں گندء ُنندکتگ، یورپی مزن گسءِ راہشوناں گوں گندء ُ نند کتگ ، ایشی ءَ ابید سعودی عرب ، او آئی دی ءِ دیوان ءَ شتگ اوں من ءَ سیکرٹری جنرل او آئی سی ءَ حاس دعوت داتگ ، من  گوں راہشوناں گندء ُنند بوتگ۔ نیویارک،لندن،برسلز،جینوا ءِ نیمگءَ چہ کوشست کنگءَ تپاک کنگ بوتگ۔  آئی ءَ گشتگ کہ برطانیہ ءَ مئے نو باسک اَست یاسین ملک ءِ رہائی ءِ ہوالگءَ جست کنگ بوتگ۔ آئیءَ گشتگ کہ  منی گوں  پاکستان ءِ حکومت  ءَ گوں دزبندی اِنت کہ یاسین ملک ءِ رہائی ء ُ مقبوضہ کشمیر ءِ تہا انسانی حکانی ہلاپ ورزی ءَ  دارگ ءِ ھاترءَ میاں اوستمانی کورٹ آف جسٹس ءَ رؤگ ءِ ضلورت  اِنت۔