یاسین ملک ءِ یل کنگ ء ُ مقبوضہ کشمیر ءَ انسانی حکانی  ہلاپ ورزی کنگءَ انٹرنیشنل کورٹ آف جسٹس  ءَ رؤگ ءِ ضلورت اِنت، آزاد جموں و کشمیرءِ  صدر

اسلام آباد۔5اگست  (اے پی پی): آزاد جموں و کشمیر ءِصدر بیرسٹر سلطان محمود چوہدری  ءَ گشتگ کہ 05 اگست 2019 ءَ بھارت ءَ مقبوضہ کشمیر ءِ حاسیں ارزشت ہلاس کتگ کہ آئی ءِ مولء ُ مراد کشمیرءِ جدوجہد ءَ را ہلاس کنگی بوتگ بلے بھارت ءَ را ایشی ء ِ تہا سرجم ءَسوبمندی نہ بوتگ، مودی ہندوتوا ءِ ایجنڈا ءِسرءَ عمل کنگ ءَ اِنت کہ آئی ءِ بیمناکیں دیم سرجمیں دنیا ءِ دیما  پدر بوتگ، کشمیرءِ جیڑہ نوں پیسرءَ چہ گیش دیما اَتکگ، دنیا ءِ تہا کشمیرءِ جیڑہ ءَ را دیما آرگ ءَ من باز کوشست کتگ ء ُ انگت کنگءَ اوں،  5 اگست ءَ  پد  بھارت مقبوضہ کشمیر ءِ ڈیموگرافی ءَ مٹ کنگءَ اِنت، بھارت ءَ تاں انوں 42 لکھ دروگیں  ڈومیسائل جوڑ کتگ۔بھارت ءِ کوشست انت کہ کشمیرءِ سروزیر  ہندو ئے بہ بیت بلے آ پروش وارت۔  آزاد جموں  و کشمیر ءِ صدر بیرسٹر سلطان محمود  چوہدری ءَ گشتگ کہ مئے  کوشست بوتگ کہ بھارتی زلمءُ ناحقی دنیاءِ دیما پدر کنگ بہ بیت۔ بھارتءِ 5 اگست ءِ بے کانودی گامگیج ءَ را سرجمیں دنیاءَ پدر  کنگ بہ بیت۔ آئی ءَ گشتگ کہ من برطانوی مزن گسی باسکاں گوں تران کتگ کہ   مزن گسءِ باسکاں منی گوما سوگند کتگ کہ آ برطانوی مزن گس ءِ دیوان ءَ یاسین ملک ءِ سزا ءِہوالگءَ برطانوی حکومت ءَ چہ جست کناں ، ایشیءِ 2 ہپتگ ءَ پد برطانوی مزن گسءِ باسکاں مزن گس ءِ دیوان  حکومتءَ چہ یاسین ملک ءِ یل  رہائی ءِ ہوالگءَ جست کتگ۔  آئی ءَ گشتگ کہ منی پاکستانءِ حکومت ءَ چہ دزبندی اِنت کہ آ یاسین ملک ءِ یل کنگ ء ُ مقبوضہ کشمیر ءَ انسانی حکانی ہلاپ ورزی بوہگءَ  انٹرنیشنل کورٹ آف جسٹس ءَ رؤگ ءِ ضلورت اِنت۔