سرجمیں  دنیاءَ کشمیری آں ” یوم استحصال” گوازینتگ،بھارتی فوجی آں 05 اگست 2019 ءَ تاں بہ گر تاں  انوں 663 کشمیری شہید کتگ اَنت

سرینگر۔5اگست  (اے پی پی):کنٹرول لائن ءِ دوئیں نیمگءَ پاکستان ءُ سرجمیں دنیاءَ نندوکیں کشمیری آں مرچیگیں روچءَ ” یوم استحصال ” گوازینتگ کہ ایشی ءِ مول ء ُ مراد دنیاءَ را اے کلوہ دیئگ انت کہ آ نریندر مودی  ءِ سروکی ءَ بھارتی حکومت ءِ 5 اگست 2019 ءِ بے کانودی گامگیجءَ را  نہ من اَنت ۔ کشمیری میڈیا سروس ءِ ردءَ مودی حکومت ءَ سئے سال پیسر ہمیں روچ ءَ اقوام متحدہ ء ِ تپاک نامہ ء ُ میاں اوستمانی کانود ءِ ہلاپ ورزی کتگ ء ُ  جموں  و کشمیرءِ حاسیں ارزشت ہلاس کتگ ء ُ   فوجی ناشرکاری کنگ بوتگ۔  انتظامیہ ءَ سرینگر ءِ راج دپتری  مسیت ءَ را کُبل کتگ ء ُ مردماناں جمعہ ءِ نماز ءِ وانگ ءِ ہم اجازت دیئگ نہ بوتگ،۔ دکانداراں میڈیا ءِ گوما گپ کتگ کہ بھارت فوجی ء ُ پولیس اہلکار آں گوستگیں روچ بازارانی ترء ُ تاب  کتگ ءُ مردماناں ترس پیش داشتگ کہ وتی دکاناں پچ بہ کن اِت ء ُایچ وڑیں زھرشانی مکن ات۔ ایشیءَ ابید کشیر میڈیا سروس ءِ پٹء ُ پولی پڑ ء ِ نیمگءَ چہ مرچی  شنگ کتگیں یک رپورٹے ءِ تہا گشگ بوتگ کہ بھارتی  فوجی آں 05 اگست 2019 ءَ بہ گر تاں  انوں 663 کشمیری شہید کتگ اَنت۔