کشمیر پاکستان ءِ مات رگ اِنت، پاکستان کشمیرءَ چہ سرجم بیت، پنجاپءِ سروزیر چوہدری پرویز الہی ءِ کشمیر ” یوم استحصال ” ءِ   درگت ءَ مراگش ءَ گوں تران

لاہور۔5اگست  (اے پی پی): پنجاپ ءِ سروزیر چوہدری پرویز الہی ءَ گشتگ کہ ہندوستان ءَ پاکستان جوڑ بوہگءِ ہد ءَ پندل سازگ بندات کتگ  بوتگ، کشمیرءِ جیڑہ ءَ ر اہراب کتگ ء ُ ہندوستان ءَ امن ء ُ ایمنی ہراب کتگ وہدے کہ دومی نیمگءَ فلسطین ءِتہا پندل  سازتگ ء ُ امنء ُ ایمنی ہراب کتگ، کشمیر پاکستان ءِ مات رگ اِ نت ءُ پاکستان کشمیرءَ چہ سرجم بیت، 90 شاہراہ قائداعظم ءِ سرءَ کشمیر "یوم استحصال ” ءِ  درگت ءَ مراگش ءَ گوں تران کتگء   سروزیر ءَ گشتگ کہ کشمیری اُلس ءِ گوما پاکستانی راج ءِ ہون ءِ سیادی اِنت ، کشمیری آنی جدوجہد  برجاہ بیت، آئیءَ گشتگ کہ بھارت ءَ مقبوضہ کشمیر ءِ تہا زلم ء ُ ناحقی ءِ  سیمسر سرگوز  کتگ اَنت، نوں بھارتی تنظیم ہم  کشمیری اُلسءِ سرءَ زلم ءُناحکی کنگ ءِ ہلاپ ءَ اوشتاتگ اَنت، آئی ءَ گشتگ کہ او آئی سی ءِ باسکیں ملک کشمیر ءِ  جیڑہ ءَ را گیش ءُ گیوار کنگءَ  وتی کرد ءَ پیلو بہ کن اَنت۔سروزیر چوہدری پرویز الہی ءَ گشتگ کہ کشمیری برات  ءُ گہاراناں اوست دیاں کہ تنا پنجاپ نہ سرجمیں پاکستان کشمیری آنی آجوہی ءِ  جدوجہد ءَ  گوں آیاں ہم کوپگ اِنت۔   ایشی ءَ ابید مراگش ءَ گوں حریت رہنما انجینئرمشتاق احمد شاہ ءَ تران کتگ، پنجاپ اسمبلی ءِ باسک ڈاکٹر یاسمین راشد، امتیاز اقبال وانی ، اوورسیز پاکستانیز سکاٹ لینڈ ءِ صدر  شبیر شاہ ، ایڈیشنل چیف سیکرٹری، تہی  کارانی ایڈیشنل چیف سیکرٹری ، حال ء ُ اھیوال کاری ء ُ شنگکاریءِ  سیکرٹری ، ڈپٹی کمشنر لاہور ءُ ایندگہ مردم  مراگش ءَ ہوار بوتگ اَنت۔