میاں اوستمانی براتی بھارت ءَ را کشمیری آنی ہلاپ  ءَ وتی انوگیں بے کانودی گامگیجاں  واپس زورگءِ ھاترءَ زور پِر بدے اَنت، ایئر چیف مارشل ظہیر احمد بابر سدھو

اسلام آباد۔5اگست  (اے پی پی): پاک فضائیہ ءِ سروک ایئرچیف مارشل ظہیر احمد بابر سدھو ءَ گشتگ کہ  عدل ، انصاف ء ُ انسانی  شرپ ءُ ارزشت ءِ مزنی ءِ ھاترءَ المی اِنت کہ میاں اوستمانی براتی  انچیں گامگیج چست  بہ کنت کہ   آیانی تہا بھارت ءَ را کشمیری آنی ہلاپ ءَ وتی  انوگیں بے کانودی گامگیجاناں    واپس زورگ ءِ ھاترءَ مجبور کنگ بہ بیت۔ آئی ءَ   ” یوم استحصال” ءِ موہ ءَ مقبوضہ جموں  و کشمیر ءِ حاسیں ارزشت ء ُ آباتی ءِ ھساب ءَ بے کانودی مٹ ء ُ بدلی، بھارتی فوجی  ناشرکاری ءُ انسانی حکانی ہلاپ ورزی کنگ ءِ ہلاپ ءَ مقبوضہ جموں و  کشمیر ءِ بہادریں اُلس   ءِ جدوجہد کنگءَ آیانی گوما ہمراہ داری کنگءِ جزم ءِ درشانی کتگ۔  اے  ہوالگ ءَ چہ وتی کلوہ ءِ تہا آئی ءَ گشتگ کہ عدل، انصاف ء ُ انسانی شرپ ءُ ارزشت ءِ مزنی ءِ ھاترءَ المی اِنت کہ میاں اوستمانی براتی انچیں گامگیج چست بہ کنت کہ آیاں چہ بھارت ءَ را کشمیری آنی  ہلاپ ءَ وتی کانودی گامگیج  واپس زورگ ءَ مجبور کنگ بہ بیت۔ بھارت اے گم ءَ سرپد بہ بیت کہ ہرچ کشمیری ءِ شہادت ءُ ہرچ لوگ ءِ تباہی ءَ بھارت ءِ ہلاپ ءَ کشمیری آنی آجوہی ءِ جزم گیش بیت۔ ایئرچیف ءَ گشتگ کہ مہ دائم ءَ وتی کشمیری براتانی آجوہی ءِ جدوجدہ کنگ ءَ آیانی گوما ہم کوپگ اَنت۔