بہادریں کشمیری آناں بھارتی زُلم ء ُ ناحکی ء ُ ب کانودی قبضہ کنگءِ ہلاپ ءَ جدوجہد کنگءَ  داد ء ُ سلام پیش کناں، ساجد حسین طوری

اسلام آباد۔5اگست  (اے پی پی):پیپلز پارٹی  ءِ باسک بنجاہی وزیر ساجد حسین طوری ءَ گشگ کہ بہادریں کشمیری آناں بھارتی زلم ء ُناحقی ء ُ بے کانودی قبضہ کنگءِ  ہلاپ ء َ جدوجہد کنگءَ داد ء ُ سلام پیش کناں۔ ” یوم استحصال ” ءِ موہ ءَ مقبوضہ کشمیر ءَ بھارتی زُلم ء ُ ناحکیاناں ایر جتگ ء ُ  آئی ءَ گشتگ کہ آجوہی کشمیر ءِ اُلس ءِ بنکی حک اِنت، اقوام متحدہ بھارتی فوج ءِ انسانیت ءِ ہلاپ ءَ زلم ء ُ ناحقی ءِ سرءَ نوٹس بہ زوریت، اقوام متحدہ وتی سلامتی کونسل ءِ تپاک نامہ آنی سرءَ عمل درآمد بہ کنائینیت، مرچی کشمیر ءَ بھارتی کرفیو، زلم  ءُ ناحقی ءِ سیاہیں روچ ءَ را سئے سال سرجم بوتگ، مودی ءَ اقوام متحدہ ءِ کانود ءِ ہلاپ  ورزی کتگ ءُ کشیر ءِ حاسیں ارزشت ہلاس کتگ۔ آئی ءَ گیش گشتگ کہ مودی ءَ مسلم  بازی ءَ را کمی ءِ تہا آرگ ءِ ھاترءَ ڈومیسائل ءِ کانودءِ تہا مٹ ء ُ بدلی کتگ، اقوام متحدہ ء ُ ایندگہ میاں اوستمانی گل بھارتی زلم ء ُ ناحقی ءِ ہلاپ ءَ چست بہ بنت ، پیپلز پارٹی ءَ دائم ءَ کشمیری آنی  ھاترءَ توار چست کتگ ، تاں آجوہی ءِ سھب ءَ پیپلز پارٹی  کشمیری آنی گوما ہمراہ داری کنت۔