پاکستان کشمیرالس آنی  جائزیں وتواجئی ھک ءِ در جنگ  ءِ واستہ ھمک رنگ ءَ کمک ءَ را جاڑی دار ات،  کشاں چیلءِایمنی ءَ گوں  گیواری ءَ چہ   زربارئی ایشیا  ءَ مھکمیں ایمنی  ءُ برجائی بوت کنت، مزن وزیر

اسلام آباد۔4اگست  (اے پی پی): مزن وزیر محمدشہبازشریفءَ  کشمیر  الس آناں  آوانی  وت واجئی ھک  ءِ در جنگ ءِ واستہ  پاکستان ءَ ھمک رنگیں کمک کنگ ءِ دل یکیمی  دیان ءَ اے  گپءِ سر ءَ زور پر دات کہ یونائیٹڈ نیشن ءِ منوگری  ءُ کشمیر  الس آنی واھشت آنی رد ءَ کشمیر  ءِ کشاں چیل ءَ را ایمنیءَ گوں  گیواری   ءَ چہ  زر باری ایشیا  ءَ مھکمیں ایمنیءُ برجائی  بوت کنت، یونائیٹڈ نیشن ءِ ایجنڈا  آنی سر ءَ استیں  جموں کشمیر ءِ کوھنیں کشاں چیل ءُ جیڈھ   زتیءَ  گیوار کنگ  بہ بنت۔ آدینگ ءِ روچ ءَ  5 اگست ءَ برجم بوھوکیں یوم ءِ استحصال ءِ موہ ءَ وتی کلوہ ءَ مزن وزیر  ءَ گوشت کہ بھارت ءِ نیمگ ءَ  5 اگست  2019 ءَ گیر کانودی    آوار جتگیں   جموں کشمیر ءَ گیر کانودی  ءُ یک نیمگی گامگیج، یک شلی ءَ گیر انسانی فوجی چپ ءُ چاگرد ءُ کشمیری الس آنی لگت مالی  ءِ ھوالگ ءَ   بے حسی ءَ را جاڑی داران ءَ  سئے سال گوستگ۔ بی جے پی- آر ایس ایس ءِ   زیر اثر  بھارتی حکومت چارمی جنیوا کنونشن  ءَ ھوار  یونائیٹڈ نیشن   ءِ سلامتی کونسلءِ منوگری  ءُ میاں اوستمانی  کانود   ءِھلاپ  ورزی کنگ ءَ انت۔ ءُ گیر کانودی جموں   کشمیر ءِ آباتی کوکا  ءَ را  مٹ کنگ ءِ واستہ  وتی ہندو توا” ایجنڈا آناں  دیم ءَ   جنزینگ ءَ انت۔ آئی ءَ گوشت کہ پاکستان  آوانی جائزیں  ھک آنی سرجمکنگ ءِ واستہ کمک  پجاری کنت، مارا ایشی ءِ سر ءَ اچ رنگیں شک ءُ پک نیست کہ  زر بارئی ایشیا  ءَ مھکمیں  ایمنی ءُ برجائی، یونائیٹڈ نیشن ءِ  یک مشتیں  سلامتی کونسل ءِ منوگری  ءُ کشمیری الس آنی واھشت آنی رد ءَ جموں کشمیر   ءِ کشاں  ءِ ایمنی ءَ گوں گیواری ءَ  در جنگ بوت کنت۔