اسلام آباد۔ 05 اگست (اے پی پی) وزیرخارجہ بلاول بھٹو زرداری کمبوڈی اٹی 29 می آسیان ریجنل فورم نا وزارتی دیوان نا وخت آ انڈونیشیا نا وزیر خارجہ رتنو مارسودی تون اوڑدہی کرے۔ دفترخارجہ نا کنڈآن جمعہ نادے آ جاری بیان نا رداٹ اوڑدہی ٹی ہڑتوم آ وزیر خارجہ غاک تین پہ تینی است خواہی نا ہڑتوم آ کنڈآتا و علاقائی امور آ گپ وتران کریر۔ ہڑتوم آ راہشونک اسیجائی …
وزیرخارجہ بلاول بھٹو زرداری نا آسیان ریجنل فورم نا وزارتی دیوان نا وخت آ انڈونیشی ہم منصب رتنومارسودی تون اوڑدہی
گیشتریں ھال
اسلام آباد۔ 05 اگست (اے پی پی) وزیرخارجہ بلاول بھٹو زرداری کمبوڈی اٹی 29 می آسیان ریجنل فورم نا وزارتی دیوان نا وخت آ انڈونیشیا نا وزیر خارجہ رتنو مارسودی تون اوڑدہی کرے۔ دفترخارجہ نا کنڈآن جمعہ نادے آ جاری بیان نا رداٹ اوڑدہی ٹی ہڑتوم آ وزیر خارجہ غاک تین پہ تینی است خواہی نا ہڑتوم آ کنڈآتا و علاقائی امور آ گپ وتران کریر۔ ہڑتوم آ راہشونک اسیجائی تاریخ ، دودوربیدگ وعقیدہ تون گنڈوک ہڑتوم آکنڈآتا تعلقداری تیٹی پدریسہ پیش رفت آ است جمی نا درشانی ءِ کریر ، ہڑتوم آ ملک آتا تعلقداری تے پین سوگو کننگ و رفتار فراوان کننگ کن ہرکہول آ ہڑتوم آ کنڈآتا ہن و بر و باقاعدہ گپ وتران نا اہمیت آ امنا کننگا۔ وزیرخارجہ بلاول بھٹو زرداری انڈونیشیا نا حکومت نا کنڈآن پاکستان ءِ پام آئل نا برآمد آتیکن وخت آ آسراتی تا فراوانی آ انڈونیشیا نا وزیر خارجہ تون اظہار تشکر کرے۔ ہڑتوم آ وزیر خارجہ غاک او آئی سی نا اہم امور آ ہم گپ وتران کریر۔ اوپارے کہ پاکستان و انڈونیشیا ءِ جہانی تنظیم تا فریم ورک اٹی اوار کننگ کن خڑکی سلابت نا گرج ءِ۔ دیوان اٹی ایشیا پیسفک اٹی پیش رفت و ویل آتا بارواٹی ہم گپ وتران کرے۔ وزیرخارجہ بلاول بھٹو زرداری و انڈونیشیا نا وزیر خارجہ دودوربیدگی تبادلہ غاتے پین ودفنگ و ہڑتوم آ ملک آتا تین پہ تینی فائدہ کن غٹ جہت آتیٹی الس تون الس نا رابطہ غاتے سوگو کننگ نا گرج آ امنا کرے۔
