بھارت نا کنڈآن مقبوضہ کشمیر نا آئینی حیثیت ءِ بدل کننگ نا برخلاف بڑزکوایوان اٹ قرارداد اس منظور

اسلام آباد۔ 05 اگست (اے پی پی) بڑزکو ایوان سینیٹ بھارت نا کنڈآن غیرکانودی مقبوضہ کشمیر نا آئینی حیثیت اٹ بدلی نا برخلاف قرارداد منظور کرینے ہراٹی پاننگانے کہ 5 اگست 2019 ء آ بھارتی حکومت آرٹیکل 35 اے و آرٹیکل 370 ءِ تینا آئین آن اینک کرسا کشمیر ناحیثیت ءِ بدل کرے ہراکہ اقوام متحدہ نا حق خودارادیت نا بابت منشور و اصول آتا خلاف ورزی ءِ، مقبوضہ جموں وکشمیر نا حتمی حیثیت نا فیصلہ ءِ کشمیری الس نا است خواہی تا رداٹ آجو رائے شماری نا کمک اٹ بایدے کننگے ہرانا قول ءِ اقوام متحدہ نا سلامتی کونسل نا رداٹ بایدے کننگے۔ جمعہ نادے آ بڑزکو ایوان نا دیوان اٹی سینیٹ اٹی قائد ایوان و بنجائی وزیر کانود و انصاف سینیٹر اعظم نذیر تارڑ قرارداد پیش کرے ہراٹی پاننگانے کہ 5 اگست 2019 ء نا رداٹ اینوتہاردے انا وڑاٹ اڈتننگ انگ ءِ، ہراتم بی جے پی نا کماشی ٹی بھارٹی حکوتم آرٹیکل 35 اے و آرٹیکل 370 ءِ آئین آن اینک کرسا کشمیر نا حیثیت ءِ بدل کرے ہراکہ اقوام متحدہ نا حق خودارادیت نا بابت منشور و اصول آتا خلاف ورزی ءِ، مقبوضہ جموں وکشمیر نا بابت اقوام متحدہ نا کیہی غیر عملدرآمد مروک قرارداد ءُ ہرافتے ٹی امنا کننگانے کہ اقوام متحدہ نا چاروکی ٹی پاکستان و بھارت نا کمک اٹ کشمیری الس نا است خواہی تا رداٹ جمہوری وڑاٹ کشمیری تے اوفتا پیدائشی حق، حق خودارادیت تننگک، دا باندات ہفت عشرہ غاتیان اقوام متحدہ نا سلامتی کونسل نا ایجنڈا غا ہم ساڑی ءِ ، 5 اگست 2019 ء آ بھارتی گام اقوام متحدہ نا سلامتی کونسل نا قرارداد آتا خلاف ورزی ءِ، دانا مسخت مقبوضہ جموں وکشمیر اٹی آبادی نا کچ ءِ بدل کننگ و بھارت نا اوفتے حق خودارادیت ، راجی و زرگزرانی حق آن محروم تخک، ہزار آ غیر کشمیری تے جعلی ڈومیسائل نا جاری کننگ آن بھارت نا آبادی نا کچءِ بدل کننگ نا عزم بے نقاب مسنے ہراکہ اقوام متحدہ نا سلامتی کونسل نا قرارداد ، جہانی کانود، جنیوا کنونشن و بھارت نا کنڈآن کروک آ قول آتا پاش آن پاش خلاف ورزی ءِ۔ کشمیرنا حتمی حیثیت نا فیصلہ ءِ کشمیری الس نا است خواہی تا رداٹ آجو رائے شماری نا کمک اٹ بایدے کننگے ہرانا قول ءِ اقوام متحدہ نا سلامتی کونسل نا رداٹ بایدے کننگے۔ بھارتی حکومت نا کنڈآن 5 اگست 2019 ء نا اسہ کنڈی گام گیج و مقبوضہ جموں و کشمیر اٹی عدالت آن ایڑتر خون، زیزاریفنگ، بیدادی تون اوار ایلو بہیمانہ گام گیج آتیا گڑتی نا درشانی ءِ کیک۔ حکومت ءِ کشمیر نا جھیڑہ ءِ اقوام متحدہ نا انسانی حق کونسل اٹی ہرفنگ تون اوار پین گام گیج کے۔ ایوان قرارداد نا امنائی وڑاٹ منظوری ءِ تس۔