مودی سرکار 5 اگست 2019 آ مقبوضہ جموں وکشمیر نا کانودی حیثیت ءِ بدل کرسا کودک کشمیری تیا ظلم و ستم کننگ ءِ، میر محمد عمر خان جمالی

کوئٹہ۔ 05 اگست (اے پی پی) سلاہکار توانائی بلوچستان میر محمد عمر خان جمالی یوم استحصال کشمیر نا وخت آ ’’اے پی پی‘‘ تون گپ وتران کرسا پارے کہ مقبوضہ جموں وکشمیر تدوک آ مسہ سال آن غیرکانودی وڑاٹ بھارتی فوج انا گھیڑ اٹی ءِ۔ مقبوضہ جموں وکشمیر اٹی انسانی حق انا سنگین لتاڑتا چرجوئی برجاءِ۔ اوپارے کہ مودی سرکار 5 اگست 2019 آ مقبوضہ جموں وکشمیر نا کانودی حیثیت ءِ بدل کرسا کودک کشمیری تیاظلم و ستم کننگ ءِ، جھیڑہ ئی علاقہ نا جغرافیائی حیثیت ءِ بدل کننگ اقوام متحدہ نا قرارداد آتا خلاف ورزی ءِ ۔سلاہکار توانائی میر محمد عمر خان جمالی پارے کہ کشمیر نا آئینی حیثیت نا منسوخی نا فیصلہ غان پد ہزار آن زیات کشمیری راہشون و کارندہ غاتا جبری بے گواہی بھارتی بربریت نا شاہدی اسے۔ اوپارے کہ مقبوضہ جموں وکشمیر اٹی بھارتی فوج انا دوتے اٹ لکھ آن زیات کشمیری تینا جون تیان دوتےسلانو ہراکہ انسانی حق انا تنظیم تیکن ہم سوج انا نشان اسے۔ سلاہکار توانائی میر محمد عمر خان جمالی پارے کہ جہانی برادری نا اخلاقی زمواری ءِ کہ او کشمیری تا انسانی و سیاسی حق اکن توار بڑز کے۔