اسلام آباد۔ 05 اگست (اے پی پی) وزیرخارجہ بلاول بھٹو زرداری کمبوڈیا ٹی برجا آسیان ریجینل فورم نا وزارتی دیوان نا وخت آ یورپی یونین نا بڑزکو نمائندہ جوزف بوریل تون اوڑدہی کرے۔ دفترخارجہ نا کنڈآن جمعہ نادے آ جاری بیان نا رداٹ وزیر خارجہ بلاول بھٹو زرداری و بڑزکو نمائندہ غاتا نیام اٹ پاکستان و یورپی یونین نا نیام اٹ ہڑتوم آ کنڈآتا و علاقائی کمکاری نا امور آ …
وزیرخارجہ بلاول بھٹو زرداری نا آسیان ریجنل فورم نا وزارتی دیوان نا وخت آ یورپی یونین نا بڑزکو نمائندہ تون اوڑدہی
گیشتریں ھال
اسلام آباد۔ 05 اگست (اے پی پی) وزیرخارجہ بلاول بھٹو زرداری کمبوڈیا ٹی برجا آسیان ریجینل فورم نا وزارتی دیوان نا وخت آ یورپی یونین نا بڑزکو نمائندہ جوزف بوریل تون اوڑدہی کرے۔ دفترخارجہ نا کنڈآن جمعہ نادے آ جاری بیان نا رداٹ وزیر خارجہ بلاول بھٹو زرداری و بڑزکو نمائندہ غاتا نیام اٹ پاکستان و یورپی یونین نا نیام اٹ ہڑتوم آ کنڈآتا و علاقائی کمکاری نا امور آ گپ وتران مس۔ ہڑتوم آ راہشونک باقاعدہ ہن و بر و فائدہ ئی کمکاری نا اہمیت آ امنا کریر۔ وزیرخارجہ ہڑتوم آ کنڈآتا واپار آ جی ایس پی پلس نا اثرآتا ستاءِ کرے۔ اوپاکستان اٹی شونداری ڈٹ آتیکن یورپی یونین نا مخ تفی ءِ کرسا پولیٹکل ڈائیلاگ تون اوار اوار پاک یورپی یونین اسٹریٹجک ڈائیلاگ نا زوت آن زوت اڈتننگ نا اہمیت آ زور شاغا۔ ہڑتوم آ راہشونک اوغانستان نا تازہ حالیت و سیاسی منظرنامہ ٹی پیش رفت آ گپ وتران کریر۔ وزیرخارجہ بلاول بھٹو زرداری اوغانستان اٹی انسانی و زرگزرانی تنکی ءِ توننگ کن پدریسہ رابطہ و گپ و تران نا اہمیت آ زور شاغا۔ اوبڑزکو نمائندہ ءِ انسانی کمک نا فراوانی کن پاکستان نا کوشست آتیان ہم معلومدار کرے۔ وزیرخارجہ و یورپی یونین نا بڑزکو نمائندہ اوغانستان نا حالیت آتیا خڑکی رابطہ کاری و ڈیہہ ٹی امن و سوگوی کن اواری اٹ کاریم ءِ برجاتخنگ آ امنا کریر۔
