وزیر اعظم شہباز شریف نوکاپ زدہ علاقہ غاتا دورہ ٹی ڈیرہ غازی خان آ سرمس

اسلام آباد۔ 05اگست (اے پی پی) وزیراعظم شہباز شریف ڈیرہ غازی خان ، راجن پور و لسبیلہ نا نوکاپ زدہ علاقہ غاتا دورہ ٹی ڈیرہ غازی خان آ سرمس۔ وزیراعظم آفس نا میڈیا ونگ آن جاری بیان نا رداٹ وزیراعظم تون اوار بنجائی وزیر حوالکاری و شینکاری مریم اورنگزیب ، خصوصی کمکار عطاء اللہ تارڑ، قومی اسمبلی نا باسک سردار ریاض محمود خان مزاری، اسلم بھوتانی و چیئرمین این ڈی ایم اے لیفٹیننٹ جنرل اخترنواز ئسک ءُ۔ وزیراعظم ءِ ہموڑے نوکاپ زہمی تا برجا کمک آ سرجم وڑاٹ حوال تننگک۔ وزیراعظم ڈیرہ غازی خان اٹی نوکاپ زہمی تتون اوڑدہی ہم کیک۔