وزیراعظم شہباز شریف (اینو) ڈیرہ غازی خان، روجھان، راجن پور و لسبیلہ نا دورہ ءِ کیک

اسلام آباد۔ 05 اگست (اے پی پی) وزیراعظم شہباز شریف اینو( جمعہ نادے آ) سویلی پنجاب نا علاقہ ڈیرہ غازی خان ، روجھان و راجن پور وخت اس کہ بلوچستان نا علاقہ لسبیلہ نا دورہ ءِ کیک۔ وزیراعظم آفس میڈیا ونگ آن جاری بیان نا رداٹ وزیراعظم شہباز شریف اینو سویلی پنجاب و بلوچستان نا نوکاپ زدہ علاقہ غاتیٹی کمکی کارروائی تا جاچ ءِ ہلنگ و زہمی تتون اوڑدہی کن ڈیرہ غازی خان، روجھان، راجن پور و لسبیلہ نا دورہ ءِ کیک۔ داوخت آ تعلقدار کمامدار آک وزیراعظم ءِ نوکاپ آن زہمی علاقہ غاتیٹی برجا ریلیف و بحالی نا گام گیج آتیا حوال ایترہ۔