کشمیریک اینو یوم استحصال اڈتننگ ءُ، میر واعظ عمر فاروق نا اُرا ٹی نظربندی ءِ 3 سال پورو

سرینگر۔ 05 اگست (اے پی پی) کنٹرو ل لائن نا ہڑتوم آ کنڈ، پاکستان و مچ آ دنیا ٹی رہینگوک آ کشمیریک اینو 5 اگست آ یوم استحصال اڈتننگ ءُ ہرانا مسخت مودی نا فسطائی بھارتی حکومت نا کنڈآن 209 اٹی دادے  آ کروک آ غیرکانودی گام گیج آتا برخلاف برانز ریکارڈ کرفنگ ءِ۔ کشمیر میڈیا سروس نا رداٹ مودی حکومت اقوام متحدہ نا قرارداد و جہانی کانود نا بھلا خلاف ورزی کرسا 5 اگست 2019 آ بھارت نا غیرکانودی کوزہ گیری ٹی جموں وکشمیر نا خصوصی حیثیت ءِ منسوخ کرسا کوزہ گیر علاقہ نا فوجی گھیڑ ءِ کریسس۔ اینو دادے  ءِ تہار دے انا وڑاٹ اڈتننگ کن بھارت نا غیرکانودی کوزہ گیری ٹی جموں وکشمیر اٹی پورو ہڑتال وخت اس کہ آزاد جموں وکشمیر ، پاکستان و مچ آ دنیا نا دارالحکومت آتیٹی جہانی برادری نا چکار ءِ مقبوضہ کشمیر اٹی بھارتی ظلم انا کنڈآکرفنگ کن برانزی مچی، ریلی، سیمینار و پین پروگرام اڈتننگ انگ ءِ۔ یوم استحصال و تہاردے اڈتننگ و ہڑتال نا خواست ءِ کل جماعتی حریت کانفرنس کرینے۔ کل جماعتی حریت کانفرنس نا غیرکانودی وڑاٹ نظربند چیئرمین مسرت عالم بٹ و میر واعظ عمرفاروق، شبیر احمد شاہ، نعیم احمد خان و غلام احمد گلزار تون اوار ایلو راہشونک سرینگر اٹی جاری تینا کلہو وبیان تیٹی پارینو کہ 5 اگست 2019 بھارت نا غیرکانودی کوزہ گیری ٹی جموں وکشمیر نا تاریخ نا تہار انگا دے تیان اسٹ ءِ۔