5 اگست آ مودی حکومت مقبوضہ جموں وکشمیر نا کانودی حیثیت ءِ بدل کرسا مظلوم کشمیری الس آ ظلم و بربریت نا اسہ پوسکن ءُ دور اسے نا بناءِ کرے، مشتاق احمد غنی

پشاور۔ 05 اگست (اے پی پی) قائم مقام گورنر خیبرپختونخوا مشتا ق احمد غنی پارینے کہ 5 اگست 2019 آ مودی حکومت مقبوضہ جموں وکشمیر نا کانودی حیثیت ءِ بدل کرسا مظلوم کشمیری الس آ ظلم و بربریت نا اسہ پوسکن ءُ دور اسے نا بناءِ کرے، مقبوضہ کشمیر اٹی پیڑی تیان برجا بھارتی ظلم انا سوب آن کشمیری الس آ ہرلمحہ بھاریم اسے، داخیال آتا درشانی ءِ او یوم استحصال کشمیر نا وخت آ جاری کلہو اٹی کرے۔ مشتاق احمد غنی پارے کہ پاکستانی قوم ہروار آنبار مظلوم کشمیری الس تون سلوک ءِ۔ پاکستان ہرپڑ آ کشمیری الس نااخلاقی و سفارتی مخ تفی ءِ برجاتخک، بدترین کرفیو و بھارتی فوج انا گھیڑ بھارت نا مکروہ عزمءِ پاش کننگ کن گنج اسے ہرا ڈیہہ نا امن کن بھلو خطرہ اسے۔ اوپارے کہ بھارت مقبوضہ کشمیر نا بابت اقوام متحدہ و سلامتی کونسل نا قرارداد آتا پاش آن پاش خلاف ورزی ءِ کننگ ءِ، مقبوضہ کشمیر ناحالیت جہانی انسانی حق انا ادارہ غاتیکن اسہ سخت ءُ امتحان اسے، جہانی برادری بھارت نا غاصبانہ کوزہ غان کشمیری الس ءِ نجات ترفنگ کن تینا عملی کڑد ءِ ادا کے۔