حکومت پائیدار وجوان اقتصادی نمو کن گچین پنجر جاتی اصلاحات آ پبی چکار کننگ ءِ، وزیر خزانہ مفتاح اسماعیل

اسلام آباد۔ 04 اگست (اے پی پی) بنجائی وزیر محصولات مفتاح اسماعیل پارینے کہ حکومت پائیدار و جامع اقتصادی نمو کن گچین پنجر جاتی اصلاحات آ پبی چکار کننگ ءِ۔ اوداہیت ءِ پاکستان اٹی ایشیائی شونداری بینک انا مسکوہی کنٹری ڈائریکٹر ژیاوہونگ ینگ نا کماشی ٹی ڈل اتون اوڑدہی ٹی گپ وتران کرسا پارے۔ داوخت آ پاکستان اٹی ایشیائی شونداری بینک انا کنٹری ڈائریکٹر یانگ یی و ایلو سینئر آفیسر آک ہم ساڑی ئسر۔ وزیرخزانہ ڈل ءِ بخیر کرے و پاکستان اٹی چندی بشخ آتیٹی اصلاحاتی ایجنڈا غا عملدرآمد اٹ بینک انا کڑد  ءِ امنا کرے۔ وزیر خزانہ ڈل ءِ ساڑی حکومت نا اولیت آتیان معلومدار کرے و پارے کہ حکومت پائیدار و جوان اقتصادی نمو کن گچین پنجر جاتی اصلاحات آ پبی چکار کننگ ءِ۔ ایشیائی شونداری بینک انا ڈل  پاکستان اٹی توانائی تون اوار چندی بشخ آتیٹی بینک انا کمکاری اٹ مروک آ ڈٹ آتیا پیش رفت آن وزیرخزانہ ءِ معلومدار کرے۔ ڈل پارے کہ بینک پاکستان کن کنٹری پارٹنر شپ حکمت عملی اس جوڑ کرینے ہرا حکومت پاکستان نا اولیت آتا رداٹ ءِ۔ وزیر خزانہ پاکستان اٹی چندی بشخ آتیٹی کمکاری فراوان کننگ آ ایشیائی شونداری بینک انا ڈل انا منت واری ءِ ہرفے۔ اوبینک انا کمک اٹ برجا ڈٹ آتا زوت ایسری اٹ ڈل ءِ پورو کمکاری نا باور کرفے۔ 

SMH