حکومت  سیلاپ ءَ آماچیں   مردم  آنی گوما  اوشتاتگ،   گڈی مردم ءِ    رکھینگ ءُ  آبات کاری  ءَ  تاں کوشست ءَ را جاڑی  دار انت،  مزن وزیر شہباز شریف ءِ میران ءَ سیلاپ ءَ آماچیں  مردم آں گوں گشتانک

پشاور۔4اگست  (اے پی پی): مزن  وزیر  شہباز شریف  ءَ گوشت کہ حکومت سیلاپ ءَ چہ   آماچیں  مردم آنی گوما  ھمگام ءَ اوشتاتگ ءُ گڈی مردم ءِ رکھینگ  ءُ آبات کاری ءَ  تاں کوشست  آناں جاڑی دار   ائیت۔  ادا میران ڈیرہ اسماعیل  خان ءَ سیلاپ  ءِ آماچیں  مردم آں گوں گشتانک دیان ءَ  مزن وزیر   ءَ گوشت کہ بنجاھی  حکومت  سیلاپ ءَ چہ  بیران بو ھوکیں    ھمک   مردم ءِ سیاد ءُ وارس آناں 10 لکھ کلدار ءِ کمک پجاری  کنگ بوھگ ءَ انت،  ءُ خیبر پختونخوا  حکومت  8 لکھ  کلدار پجاری  کنگ ءَ انت۔  تباہ بوھوکیں  ھمک گس ءِ واستہ  5 لکھ کلدار ءُ   ادارُکی رد ءَ  تباہ بوھوکیں گس آنی واستہ   دو لکھ ءُ  نیم پجاری کنگ بیت  تانکہ سیلاپ  ءَ آماچیں   مردم آنی گس آناں  نوک سر  آسراتی پجاری کنگ بہ بیت۔  آئی ءَ گوشت کہ اے زر مرتگیں مردم آنی  زندمان ءِ     کچ ءُ نیاد بوت نہ کن اَنت بلکینگ ءَ  آئی گس ءِ مردم آنی مشکل ءُ  تکلیف آناں کم کنگ ءِ واستہ آواناں  مالی کمک پجاری کنگ انت۔  بنجاھی  ءُ صوبائی  حکومت  سیلاپ  ءِ آماچیں  مردم آناں  ریلیف  پجاری کنگ ءِ واستہ  یکجائی کار  کنگ  ءَ انت،  بلوچستان  سیلاپ  ءَ چہ درستاں چہ گیش آماچ بوتگیں صوبگ انت  ادا بنجاھی  ءُ صوبائی  حکومت  ھم مروکیں مردم آنی  گس ءِ مردم آناں  دھ  دھ لکھ کلدار  زر پجار ی کنگ ءَ انت۔  مزن وزیر ءَ گوشتک کہ  حکومت ءَ نیشنل ڈیزاسٹر منیجمنٹ  اتھارٹی، صوبائی  حکومت  ءُ ایندگر  سیادی داروکیں اسٹیک ہولڈرز آنی  کمک ءَ چہ یکجائی سروسے  کنگ ءِ پیسلہ کتگ تانکہ  دلوت،  کشار ءُ ایندگر   سیلاپ ءَ چہ  رستگیں  تاوان  آنی  کچ ءُ کساس  کنگ بہ بیت  سروے ءَ چہ  سیلاپ ءَ چہ آماچیں  تومیں بزگریں  مردم آناں   ریلیف پجاری   کنگ ءَ  کمک رسیت۔  ایشی ءَ چہ پیسر  مزن وزیر  ءَ  ضلع  تانک ءِ سیلاپ ءَ چہ آماچیں دمگ آنی تر ءُ تاب کت   ادا  آئیءَ آماچیں  مردم آ ں گوں گند ءُ نند کت۔  آئی ءَ  ٹانک  ءَ سیلاپ ءَ  چہ بوھوکیں  تاوان  آنی بابت  ءَ بریفنگ  دیگ بوت۔  مزن وزیر  ءِ ھمبراہی ءَ پی ڈی ایم ءِ سروک مولانا فضل  الرحمان ، وزیر ءِ رسانک  اسد محمود،  مزن وزیر ءِ مشیر  برائے  سیاسی  ءُ  السی کار انجینئر  امیر   مقام، پی ایم  ایل  این  ءُ جے یو آئی  ایف  ءِ سروک  ھم ساڑی  اتنت۔