گلگت بلتستان نا غٹ ضلع غاتیٹی پگہ یوم استحصال کشمیر اڈتننگک

گلگت ۔ 04 اگست (اے پی پی) بھارت نا غیر کانودی کوزہ گیری ٹی جموں وکشمیر اٹی بھارت نا غیرکانودی ، غیراخلاقی و غیر آئینی گام انا مذمت کن پگہ جمعہ نادے آ  مچ آ ملک آنبار گلگت بلتستان نا غٹ ضلع غاتیٹی ہم یوم استحصال کشمیر اڈتننگک۔ گلگت بلتستان حکومت یوم استحصال نا وخت آ مظلوم کشمیری تتون یکجہتی نا درشانی ءِ کننگ کن چندی وڑنا دود آتا خصوصی بست وبند کرینے وخت اس کہ کشمیری تا مخ تفی ٹی مچ آ گلگت بلتستان اٹی ریلی کشنگک و مچی کننگک ہرافتے ٹی ہرتپہ فکر انا بندغ آک پبی بشخ ہلیرہ۔ داوخت آ ریلی ٹی بشخ ہلوک آک تینا کشمیری ایلم تے دا کلہو ایترہ کہ پاکستانی الس حق خودارادیت کن اوفتا انصاف اٹ جہد و بھارتی فورس آتا ظلم انا برخلاف مدام اوفتے تون سلک۔ داوخت آ سول سوسائٹی نا تنظیمک کشمیری الس نا برخلاف انسانی حق انا بھلا خلاف ورزی تے تالان کننگ کن سیمینار و ایلو دود آتا بست وبند کرینو۔ یات سلے کہ مودی نا کماشی ٹی بھارتیہ جنتا پارٹی نا حکومت 5 اگست 2019 آ بھارتی آئین نا دفعہ 370 و A35ءِ چٹفیسس ہرافتا رداٹ کشمیر ءِ خاص حیثیت تننگاسس۔