فیصل آباد تون اوار مچ آ ڈویژن اٹی پگہ (5 اگست )  یوم استحصال ءِ پبی وڑاٹ اڈتننگک

فیصل آباد ۔ 04 اگست (اے پی پی) فیصل آباد تون اوار مچ آ ڈویژن اٹی جموں و کشمیر نا خصوصی حیثیت ءِ چٹفنگ نا بھارت نا غیرکانودی و اسہ کنڈی گام گیج نا برخلاف یوم استحصال ءِ پبی وڑاٹ اڈتننگک۔ داوخت آ سہب انا 10 بجہ غا اسہ منٹ اسے کن چُپی اختیار کننگک ، ہر شاری تینا کشمیری ایلم تتون یکجہتی نا درشانی ءِکیک، و اقوام عالم آ پیدوار کننگک کہ حق خودارادیت نا دوئی کننگ کن پاکستانی قوم کشمیری الس تون سلوک ءِ نیز کشمیری تا ترجمانی ءِ کرسا اوفتا توار ءِ مچ آ دنیا ٹی بڑز کننگک۔ دا بابت مرکزی علماکونسل پاکستان نا سروک صاحبزادہ زاہدمحمود قاسمی، پاکستان علماکونسل نا مرکزی ڈپٹی سیکرٹری و باسک علما بورڈ پنجاب علامہ طاہر الحسن ، صوبائی اسمبلی نا باسک میاں طاہر جمیل، ظفر اقبال ناگرہ ، میاں اجمل آصف، صدر فیصل آباد  چیمبر عاطف منیر شیخ، سرپرست اعلیٰ مرکزی انجمن تاجران و سٹی صدر فیصل آباد خواجہ شاہد رزاق سکا و ایلو انتظامی و سیاسی شخصیت آک پاریر کہ نن 5 اگست آ جموں و کشمیر نا خصوصی حیثیت ءِ چٹفنگ نا بھارت نا غیرکانودی و اسہ کنڈی گام ءِ 3 سال پورو مننگ آ بھارت نا برخلاف پبی وڑاٹ یوم استحصال اڈترسا پک کینہ کہ ننا کشمیری ایلمک تینا جہد آجوئی نا تحریک اٹی تنیا افس۔