آزاد جموں وکشمیر نا صدر نا کشمیری تا حق خودارادیت نا حق اٹی قرارداد اس منظور کننگ نا خواست

اسلام آباد۔ 04 اگست (اے پی پی) آزاد جموں وکشمیر نا صدر بیرسٹر سلطان محمود چوہدری پارینے کہ پاکستان نا سینیٹ و قومی اسمبلی ءِ کشمیری تا حق خودارادیت نا حق اٹی و بھارت نا غیر کانودی کوزہ گیری ٹی جموں وکشمیر اٹی برجا ظلم انا برخلاف اسہ سوگو و گچین قرارداد اس منظور کے۔ کشمیر میڈیا سروس نا رداٹ بیرسٹر سلطان محمود چوہدری داخیال آتا درشانی ءِ سینیٹر ڈاکٹرز رقاسہروردی تون اسہ سرجم ءُ اوڑدہی اس کرے ہرا کشمیر ہاؤس اسلام آباد اٹی اوڑتون اوڑدہی کرے۔ صدر آزاد کشمیر پارے کہ داوخت آ سخت گرج ءِ کہ کشمیر نا جھیڑہ ءِ جہانی فورم تیا سہی وڑٹ ہرفنگے۔ اومستی پارے کہ کشمیری و پاکستانی پردیسی دا چرجوئی ٹی اہم ءُ کڑد اس ادا کننگ کیرہ۔