’’فارن ایجنٹ‘‘ نا ’’فارن ایڈڈ‘‘ پارٹی نا ہیلی کیپٹر ملک اٹی فتنہ و پھسات تالان کننگ کن استعمال مریک، نوکاپ نا خلوک آتا ڈکھیائی تے بشخنگ کن مننگ کپک، بنجائی وزیر حوالکاری و شینکاری

اسلام آباد۔ 04 اگست (اے پی پی) بنجائی وزیر حوالکاری و شینکاری مریم اورنگزیب پارینے کہ ’’فارن ایجنٹ‘‘ نا ’’فارن ایڈڈ‘‘ پارٹی نا ہیلی کیپٹر ملک اٹی فتنہ ، پھسات، بے چیٹی تالان کننگ کن استعمال مریک تانکہ پاکستان نا زرگزران ہرادے او بھس کرے، سہی مف، کبینی ہرادے او کرے، کم اف و ورناتے رزگار ہرافتے او پُلا، ملپ۔ پنچ شنبے نادے آ تینا ٹویٹ اٹی بنجائی وزیر حوالکاری ’’فارن ایجنٹ‘‘ نا ’’فارن ایڈڈ‘‘ پارٹی نا ہیلی کیپٹر نا کاریم اٹ اتنگ نا منہ ندارہ شیئر کرے۔ تینا ٹویٹ اٹی اوپارے کہ دا فارن ایجنٹ نا فارن فنڈڈ ہیلی کیپٹر نوکاپ نا خلوک آتا ڈکھیائی تے بشخنگ کن کاریم اٹ اتنگ مفک، خیبرپختونخوا، بلوچستان، پنجاب، سندھ آ ہِننگ کپک انتئے کہ ہراڑے مخلوق زوال کرے ہموڑے بشریٰ بی بی اودے ہِننگ کن الیپک و نئے فارن فنڈر و ایجنڈا موکل ایتک۔