فیصل آباد۔ 04 اگست (اے پی پی) مسلم لیگ (ن) نا راہشون و باسک صوبائی اسمبلی فیصل آباد چوہدری محمد شفیق گجر پارینے کہ کشمیر پاکستان نا شہ رگ ءِ کشمیری تا استحصال ءِ بند کننگ کن ہروڑنا قربانی تننگک۔ اے پی پی تون گپ وتران اٹی اوپارے کہ کشمیری مسلمان تا دتر نا ملاس مودی نا کنڈآن مقبوضہ دامان اٹی بھلو کچ اسے آ مسلمان تا نسل کشی کننگ انگ ءِ ہنداخاطرآن غٹ پاکستانی قوم اینو جمعہ نادے 5 اگست آ بھارت نا برخلاف یوم استحصال و یکجہتی کشمیری ریلی تیٹی زیات آن زیات کچ اٹی بشخ ہلسا دنیاغا پیدوار کیک کہ پاکستانی قوم کشمیر نا ویل آ پورو وڑاٹ یکجا و نن ہمیشہ آنبار سوگو ءُ دیوال اس جوڑ مرسا تینا کشمیری تتون سلوک اُن۔ اوپارے کہ پاکستانی قوم کشمیری الس تون ہم کوپہ سلوک ءِ و مشکل نا ہر ساہت اٹی کشمیری ایڑھ ایلم تتون تفک وخت اس کہ مقبوضہ کشمیر جہانی وڑاٹ امنا مروک جھیڑہ ئی علاقہ اسے ہرادے نن آخا سلامتی کونسل نا قرارداد آک ہم جھیڑہ ئی پارہ۔ اوپارے کہ 5 اگست 2019 نا بھارتی گام گیج آن پد مودی سرکار مقبوضہ کشمیر اٹی مسلمان تا گیشتری ءِ اقلیت اٹ بدل کننگ کن مسلمان تا کشت وخون ءِ کننگ ءِ و بھارت آن ہزار آتا کچ اٹ آرایس ایس نا بدماش آتے کشمیر اٹی جاگہ ترسا مسلمان تا نسل کشی نا گوازی ءِ کننگ نا کوشست کننگ انگ ءِ ہرادے نن پورو مننگ کن الیپنہ۔ اوپارے کہ پاکستان نا پبی سفارتی کڑد انا سوب آن مچ آ دنیا ٹی کشمیر نا ویل ءِ پوسکن ءُ جہت اس رسینگانے و دنیا کشمیر نا ویل انا کنڈآچکار کرینے ہنداخاطرآن انشاء اللہ ہمو دے مر اف ہراتم کشمیری تا منشا نا رداٹ کشمیر نا ویل ایسر مریک و اوفتا قربانیک رنگ اس اتیرہ۔
