نیویارک ۔3اگست (اے پی پی):نیویارک ءَ جوڑیں بنی آدمی ھک آںی میاں اوستمانی گل ہیو من رائٹس واچ ءَ گوشتگ کہ بھارتی زوراکیں انتظامیہ ءَ وتی گیر کانودی آوار جتگیں جموں کشمیر ءِ ھاسیں بستار ءِ رد کنگ ءِ سئے سال ءَ چہ پد مقبوضہ دمگ آنی تہءَآزاتی ءَ گوں درشان، ایمنی ءُ مچی ءُ ایندگر بنیاتی ھک آنی سر ءَ بندش جنگ بوتگ۔ کشمیر میڈیا سروس ءِ رد ءَ ہیومن رائٹس واچ ءَوتی ویب سائیٹ ءِ سر ءَجاڑی کتگیں یک بیانے ءِ تہءَگوشت کہ بھارتی حکومت ءِ زوراکیں پالیسی ءُ بنی آدمی ھک آنی لگتمالی آنی پٹ ءُ پول ءُ ایشاں گوں دست مانجنیں بھارتی فوسز انی ھلاپ ءَ کیس چلائینگ ءَ ناکامی ءِ سبب ءَ کشمیر آنی آجوئی ءِ لوٹ گیش بوھگ ءَ انت۔ بیان ءَ گوشگ بوت کہ بھارتی حکومت ءَ 5 اگست 2019 ءَ جموں کشمیر ءِ ھاسیں بستار ءَ را رد کنان ءَ ایشرا نوکیں دلی ءِ چیر دستیں دو دمگ آنی تہ ءَ بھر آنی تہ ءَ بھر کنگ بوتگ۔ بھارتی حکومت ءَ اے گامگیج آں ابید سدانی مردمآناں نظر بند کتگ، سرجمیں رسانک بلیک آؤٹ ءُ آزاتی ءَگوں روگ ءُ آیگ ءُ ایمنی ءَ گوں مچی ءُ میڈی ءِ سرءَ ترندیں بندش ءَ ھوار بنی آدم آنی ھک ءُ ایندگر ھک ترندیں ھلاپ ھم کتگ۔
