اسلام آباد۔3اگست (اے پی پی):بھارت ءِ سروک ہندو راج پرست بھارتیہ جنتا پارٹی ءِ نیمگ ءَ بھارت ءِ گیر کانودی آوار جتگیں جموں کشمیر ءِ ھاسیں بستار ءِ ھلاسی ءِ سئے سال ءَ چہ پد ریاست ءِ معیشت ءَ را یک شلئ ءَ لاک ڈائون، کرفیو، انٹر نیٹ ءِ بندش ءُ ترندی آنی گوما دیم پہ دیمی انت۔ نریندر مودی ءِ سروکی ءَ حکومت ءَ آرٹیکل 370 ءُ 35A ءِ رد کنگ ءَ چہ پد بازیں گیر کانودی گامگیج کتگ ایشانی تہءَآباتی ءِ مٹ کنگ ءُ کشمیر ءِ معیشت ءَ را تباہ کنگ بوھگ ءَ انت تانکہ کشمیری الس آنی وت واجئی ھک ءِ لوٹ ءَ چہ دستبردار کنگ ءَ مجبور کنگ بوت نہ کنت۔ بنجاہ ءِ انتظامی کار آناں دو جتا جتائیں دمگ آنی تہءَ بھر کنگ ءِ قوھد ءَ بی جے پی ءَ اے دعویٰ کتگ کہ کشمیر ءِ ھاسیں بستار ءَ را ھلاس کنگ ءُ ایشرا یک شلی ءَ نوکیں دہلی ءَ چہ کنٹرول کنگ ءِ نتیجگ ءَ پڑے گہتری ءُ دیمروئی بیت ءُ ایشی ءِ معیشت ءَ را دیمروئی رسیت پدا ھم اے گیر کانودی گامگیج ءِ سئے سالءَ چہ پد کشمیر ءِ معیشت ءَ را تباہ کنگ بوتگ۔ سیاسی ءُ اقتصادی تجزیہ نگار آنی گوشگ انت کہ گوستگیں سئے سال ءِ ساھت ءَ کشمیر ءِ جاور ھال سک باز ھراب کنگ بوت انت۔
