کوئٹہ۔ 03 اگست (اے پی پی) وزیراعلیٰ بلوچستان میر عبدالقدوس بزنجو نا شہید لیفٹیننٹ جنرل سرفراز علی و شہید بریگیڈیئر محمد خالد نا نماز جنازہ ٹی بشخ ہلک ، وزیراعلیٰ نماز جنازہ ٹی شریک چیف آف آرمی اسٹاف جنرل قمر جاوید باجوہ تون ہیلی کیپٹر شکست آ است ہسونی و ہڑزخواہی نا درشانی کرے، وزیراعلیٰ بلوچستان پارے کہ شہید آتا قربانی تا سوب آن پاکستان قائم ءِ و مدام قائم و دائم سلک، بلوچستان نا الس تینا نرزورفوج اتون تفوک ءِ و شہید آتا قربانی تا است اٹ قدر ءِ کینہ، وزیراعلیٰ شہید جنرل سرفراز علی نا مار و ایلم و بریگیڈیئر شہید محمد خالد نا مار اتون ہم است ہسونی و ہڑزخواہی نا درشانی ءِ کرے۔
