اسلام آباد۔ 03 اگست (اے پی پی) وزیرخارجہ بلاول بھٹو زرداری آسیان نا کنڈآن 29 می آسیان ریجنل فورم نا وزارتی دیوان اٹی بشخ ہلنگ کن اینو (چارشنبے نادے آ) کمبوڈیا غا روانہ مریک۔ دفترخارجہ نا کنڈآن چارشنبے نادے آ جاری بیان نا رداٹ وزیر خارجہ کمبوڈیا نا مسہ دے ئی دورہ ٹی چندی ملک آتا وزیر خارجہ غاتون اوڑدہی کیک۔ وزیر خارجہ بلاول بھٹو زرداری دورہ ٹی کمبوڈیا نا وزیراعظم تون ہم اوڑدہی کیک۔ دیوان اٹی ڈیہہ نا حالیت آتیا جاچ ءِ ہلنگک۔ وزارتی دیوان اٹی سویل دے ٹکی ایشیائی ملک آتون تین پہ تینی کمکاری ءِ مون آ دننگ آ ہم ہیت مریک۔ داکان مست کورونا نا جہانی دین انا رداٹ آسیان ریجنل فورم نا وزارتی دیوان تدوک آ سال ویڈیو کانفرنس نا کمک اٹ اڈتننگاسس۔
