اسلام آباد۔ 03 اگست (اے پی پی) قومی اسمبلی قومی احتساب (ترمیم دوئم) تون اوار اِرا بل آتا منظوری ءِ تس۔ چارشنبے نادے آ وزیر مملکت کانود سینیٹر شہادت اعوان قومی احتساب آرڈیننس 1999ء ٹی پین ترمیم کننگ نا بل قومی احتساب (ترمیم دوم) بل 2022 ء آ سجفنگ کن ہندا قواعد نا قاعدہ 123 نا ذیلی قاعدہ 2 نا مقتضیات آن صرف نظر کننگ نا تحریک پیش کرے ہرانا منظوری آن پد او تحریک پیش کرے کہ قومی احتساب ترمیم دوم 2022 ء قائمہ کمیٹی نا رپورٹ کروک دروشم اٹ دمدستی زیر غور اتنگے، دا تحریک نا منظوری آن پد بل انا شق وار منظوری ٹی جتا فہرست اٹی درج ترمیم آتے پیش کننگا۔ زہرہ ودود فاطمہ ترمیم پیش کرسا پارے کہ بورڈ اٹی ٹرسٹیز و ڈائریکٹر آتے ہم اوار کننگے۔ شہادت اعوان پارے کہ دا جوان ءُ ترمیم اسے دانا مخالفت ءِ کپنہ۔ شق وار منظوری آن پد شہادت اعوان بل ءِ ایوان اٹ منظوری کن پیش کرے ہرانا ایوان منظوری ءِ تس۔ جی ڈی اے نا پارلیمانی لیڈر غوث بخش مہر پارے کہ اہم کانود سازی نا وخت آ حکمران سیوت نا چیف وہپ داڑے بایدے ساڑی مرے۔ اسپیکر پارے کہ مرتضیٰ جاوید عباسی ءِ دمدستی وڑاٹ بٹنگے، او بایدے ایوان اٹ ساڑی مرے۔ قائمہ کمیٹی کانود و انصاف ناچیئرمین محمود بشیر ورک اشاعت کانود پاکستان ایکٹ 2016ء ٹی ترمیم کننگ نا بل اشاعت کانود پاکستان (ترمیمی) بل 2022ء آ قائمہ کمیٹی نا رپورٹ ءِ پیش کرے۔ وزیر مملکت کانود شہادت اعوان بل دمدستی سجفنگ نا تحریک پیش کرے ہرانا منظوری آن پد اسپیکر شق وار منظوری ءِ ہلک۔ مولانا عبدالاکبر چترالی پارے کہ وقفہ سوج ننا حق ئسک، داڑے کانود سازی مننگ ءِ ، وزیر آک ایون اٹی ساڑی افس۔ کانود سازی پاکستان کن مریک داایوان اٹ باسک آک ساڑی افس۔ شق وار منظوری آن پد شہادت اعوان اشاعت کانود پاکستان (ترمیمی) بل 2022 ء منظوری کن پیش کرے ہرانا ایوان منظوری ءِ تس۔
