اسلام آباد۔ 03 اگست (اے پی پی) قومی احتساب بیورو (نیب) انا ایگزیکٹیو بورڈ انا دیوان چارشنبے نادے آ چیئرمین نیب آفتاب سلطان نا کماشی ٹی اڈ ہلک۔ دیوان اٹی ڈپٹی چیئرمین ظاہر شاہ، پراسیکیوٹر جنرل اکاؤنٹی بیلیٹی سید اصغر حیدر، ڈی جی آپریشنز نیب محمد عرفان بیگ، ڈی جی نیب راولپنڈی و نیب انا ایلو آفیسر آک ساڑی ئسر۔ نیب انا ایگزیکٹیو بورڈ انا دیوان اٹی چندی انکوائری و انوسٹی گیشن آتیا سرجمی اٹ شرہ کننگا و ہر کیس انا بارواٹ میرٹ، شفافیت و کانود نا دنگ اٹ رہینگسا فیصلہ کننگا۔ داوخت آ ہراڑے چندی کیس آتا خوڑتی اٹ جاچ ءِ ہلسا پین تعلقدار کانودی کارروائی نا فیصلہ کننگانے۔ یات سلے کہ نیب انا غٹ انکوائری و انوسٹی گیشن آتے مبینہ دوبہ غاتا بنداو آ بناکننگک ہراکہ حتمی مفک۔ نیب کانود نا رداٹ غٹ تعلقدار بندغ آتیان ہم اوفتا موقف ءِ معلوم کننگ آن پد مستی جاست وپاست کننگ یا کپننگ نا فیصلہ کیک تانکہ انصاف نا غٹ خواست آتیا کانود نا رداٹ عمل کننگ مرے۔
