ملتان۔ 03 اگست (اے پی پی) زند انا چندی بشخ آتیان تعلق تخوک آ زالبول آک پارینو کہ پاکستان نا ہر بندغ کشمیری تتون سلوک ءِ۔ ہراوڑ 5 اگست آ بھارت مقبوضہ کشمیر ناخصوصی حیثیت ءِ چٹفسا جموں وکشمیر ءِ بھارت نا بشخ جوڑ کرے دا است ہسونی نا سوب ءِ اسہ دے اس بریک کہ کشمیر آجو مرسا پاکستان اٹ اوار مریک۔ اے پی پی تون گپ وتران کرسا جماعت اسلامی شعبہ زالبول نشرو اشاعت نا نگران شمائلہ رفیق پارے کہ بھارت کشمیر ءِ اقلیت اٹ بدل کننگ کن ظالمانہ چم آتے کاریم اٹ اتنگ ءِ۔ ولے 8 لکھ بھارتی فوج کشمیری تا جوزہ جہاد و شوق شہادت ءِ یخ کننگ کتو اکتوبر 1947 آن داتم اسکان 1 لکھ 40 ہزار کشمیری شہید وخت اس کہ 70 ہزار زندان تیٹی بند ءُ۔ دفعہ سی 370 نا رداٹ کشمیر نا وتواجہ حیثیت ءِ چٹفسا 3 سال آ تالان بدترین لاک ڈاؤن نا کمک اٹ کشمیری مسلمان تا پورو نسل کشی نا ڈٹ بندی اتون مسلم آبادی نا کچ ءِ کم کننگ کن 3 سال آن برجا لاک ڈاؤن و ایلو ظالمانہ چم آتیان پد ہم کشمیریک اینو ہم تینا جان تا نذرانہ پیش کننگ ءُ انشاء اللہ اوفتا قربانیک زیان مفسہ۔
