اسلام آباد۔ 03 اگست (اے پی پی) برطانیہ ٹی پاکستانی ہائی کمیشن نا کنڈآن 5 اگست آ اڈ تروک آ یوم استحصال کشمیر نا رداٹ جمعہ نادے آ اسہ عکسی نمائش اس اڈتننگک۔ نمائش نا مسخت غیرکانودی وڑاٹ بھارت نا کوزہ گیری ٹی جموں وکشمیر اٹی برجا انسانی حق انا بھلا خلاف ورزی تے تالان کننگ ءِ۔ کشمیر میڈیا سروس نا رداٹ پاکستانی ہائی کمیشن نا کنڈآن جاری اسہ پریس ریلیز اسے ٹی پاننگانے کہ ہائی کمشنر معظم احمد خان پاکستانی کمیونٹی و فرینڈز آف کشمیر ءِ نمائش اٹی بشخ ہلنگ و بھارتی ظلم انا گواچی کشمیری الس تون یکجہتی نا درشانی ءِ کننگ نا سلہ خلکونے۔ نمائش آن پد ہائی کمیشن اٹی کشمیر نا سرحال آ اسہ سیمینار اس ہم اڈتننگک ہراٹی پارلیمنٹ نا باسک آک، کشمیری سرکڑدہ غاک، انسانی حق انا تنظیمک و سول سوسائٹی نا نمائندہ غاک بشخ ہلیرہ۔

متعلقہ مضامینمصنف کی طرف سے مزید