اسلام آباد۔1اگست (اے پی پی):کل جماعتی حریت کانفرنس آزاد کشمیر ءُ پاکستان شاخ ءِ حال ء ُ اھیوال کاری سیکرٹری امتیاز وانی ءَ گشتگ کہ بھارت ءَ مقبوضہ جموں ء ُ کشمیر ءَ را فوجی مورچہ آنی تہا مٹ کنگ بوتگ، ہشکیں نام ءِ جمہوریت ء ُ سیکولرازم ءِ منوک بھارت ءِ فوج مقبوضہ کشمیر ءَ انسانی حقاناں لگت مال کنگءَ اَنت۔ دوشمبے ءِ روچءَ اسلام آباد ءَ جاری بیان ءِتہا آئی ءَ گشتگ کہ بھارت مقبوضہ جموں ء ُ کشمیر ءَ انسانی حکانی حلاپ ورزی ءَ کنگ ءَ اِنت، بھارتی فوج ہمک روچ شہری آناں شہید کنگ ءَ اَنت ء ُ لوگ ء ُ جاگہاں تباہ کنگ ءَ اَنت، بھارتیک فوجی آں ریاستی ناشرکاریک کاروائی برجاہ داشتگ اَنت۔ آئی ءَ گشتگ کہ کشمیری اُلس بھارت ءِ بے کانودی قبضہ ء ُ 5 اگست 2019 ءِ بے کانودی ءُ یک نیمگی گامگیج ءَ را نامن اَنت ءُ وتی گم ء ُ رنج ءِ درشانی ءِ ھاترءَ وتی حق ءِ سرءَ اَنت ء ُ وتی تحریک ءَ دیما برگءَ اَنت۔ بھارتی فور سز آں پبلک سیفٹی ایکٹ ءَ ہوار سیاہیں کانود ءِ ردءَ ہزارں کشمیری کہ آیانی تہا بازیں ورناہ بندہ جاہ آں دور دیئگ بوتگ اَنت۔ آئی ءَگشتگ کہ دزگیر کتگیں کشمیری آنی تہا 15 سال ءِ اُمبر ءِ زھگاں ہوار ورناہ آنی مزنیں کساسے ہوار اِنت۔ آئی ءَ گشتگ کہ زور ء ُ زوراکی ءِ سرءَ ایچ راج ءَ را بندی جوڑ نہ بیت۔ امتیاز وانی ءَ گشتگ کہ بھارتی حکومت ہندو ناشردوستیں گل راشٹریہ سوائم سیوک سنگھ ءِ ناشر یں ایجنڈا ءِ سرءَ عمل کنگ ءُ کشمیری اُلس ءَ را درائیں بنکی حقاں چہ زھبار کنگ ءَ اَنت۔ آئی ءَ میاں اوستمانی براتی ءِ سرءَ زور پِر داتگ کہ آ کشمیر ءَ مزنیں کساسے ءَ استیں زلم ء ُ ناحقی ء ُ بھارتی قبضہ ءَ را ہلاس کنگ ءَ وتی کردءَ پیلو بہ کنت۔
