اسلام آباد۔2اگست (اے پی پی):پاکستان بھارت ء ِ بے کانودی قبضہ کنگ ءُ جموں و کشمیرءِ حاسیں ارزشت ءَ را ہلاس کنگءِ بے کانودی ، بے اخلاقی ء ُ بے آئینی گامگیج ءَ را ایر جتگ ءُ بھارتی فوج ءِ اے گامگیج ءَ را 3 سال سرجم بوہگءَ 5 اگست ءَ ” یوم استحصال ” گوازینیت۔ حکومت ءَ اے روچءِ درگتءَ گوں کشمیری آنی گوما یکوئی ءِ درشانی کنگءِ ھاترءَ سیمینار ءُ کانفرنس ءَ ہوار بازیں مراگشانی ہم بندوبست کتگ ، وہدے کہ کشمیری سرجمیں ملک ءَ چہ روانک در کناں۔ سرجمیں راج وتی کشمیری براتاناں اے کلوہ ءَ دیاں کہ پاکستانی اُلس آیانی وت واجہی ءِ حق ءِ دیئگ ءِ جدوجہد ء ُ بھارتی فوج ءِ زُلمء ُ ناحقی ءِ حلاپ ءَ دائم ءَ گوں آیاں ہم گاہم اِنت۔ ائن آف کنٹرول ءِ دوئیں نیمگ ءُ سرجمیں دنیاءَ استیں کشمیری ہم 5 اگست 2019 ءِ بھارت ءِ بے آئینی گامگیج ءَ را ایر جن اَنتء ُ ” یوم ِ استحصال ” گوازیناں۔ اے موہ ءَ سرجمیں ملک ءَ یک منٹءِ حاموشی کنگ بیت، ٹریفک ءَ را یک منٹ ءِ حاترءَ دارگ بیت ء ُ سائرن توار گیجگ بیت۔یک منٹ ءِ حاموچی ءَ دمان ءَ پد ریڈیو پاکستان ءُ پاکستان ٹیلی ویژن ءَ ہوار الیکٹرانک میڈیا چینل آں پاکستان ء ُ آزاد جموں و کشمیر ءِ راج سوت توار گیجگ بنت۔ ایشی ءَ ابید اسلام آباد ء ُ صوبائی بنجاہی حکومتانی حاسیں کشکانی سرءَ کشمیری آنی جاورھال ءُ بھارتی فوج ءِ زُلم ء ُ ناحقی ءَ را پیش دارگ ءِھاترءَ پوسٹرز ءُ بل بورڈز جنگ بوتگ۔ مودی ءِ سروکی ءَ بھارتیہ جنتا پارٹی ءِ حکومت ءَ 5 اگست 2019 ءَ بھارتی آئین ءِ آرٹیکل 370 ء ُ 35A ء َ را ہلاس کنگ بوتگ، اے کانود ءِ ردءَ کشمیری آنی حاسیں بستار ء ُ ارزشتے بوتگ۔
