اسلام آباد۔2اگست (اے پی پی):سینیٹ ءِ قائمہ کمیٹی برائے درئی کار ءِ دیوان باندات چار شمبے ءَ بیت۔ سینیٹ سیکرٹریٹ ءِ رد ءَ قائمہ کمیٹی برائے درئی کار ءِ دیوان پارلیمنٹ گس ءَبیت ایشی ءِ سروکی ءَ کمیٹی ءِ چیئرمین سینیٹر فاروق ایچ نائیک کنت۔ دیوان ءَ وزیر ءِ درئی کار ءُ سینیٹ ءَ اپوزیشن لیڈر ءَ ابیدکمیٹی ءِ باسک ءُ سیادی داروکیں کارندہ بھر زوری کن انت۔ دیوان ءَجموں کشمیر ءِ جاور ھال ھاسیں رنگ ءَ آرٹیکل 370 ءُ 35A ءِ ھلاسی ءُ ہندو ناشرکاریں لیڈر آنی نیمگ ءَ نبی کریم ﷺ ءِ شان ءَ گستاکیں بیان آں چہ پد بھارت ءَ مسلمان آنی سر ءَکتگیں ظلم ءُ کشاں چیل ءِ گیش بوھوکیں واکیہ آنی بابت ءَ بریفنگ دیگ بیت۔ دیوان ءِ شریکیں بھارتی آمید گس ءِ نیمگ ءَ کشمیری حریت سروک محمد یاسین ملک ءَ را یک فرضی کیسے ءَ سزا دیگ ءُ آئی ءِ گوما جیل ءَ ناروائیں سلوک آناں سہرا کنگ ءِ واستہ حکومت ءِ پاکستان ءِ گامگیج آنی بابت ءَ بریفنگ ھم دیگ بیت۔
