سرینگر۔2اگست (اے پی پی):بھارت ءِ گیر کانودی رنگ ءَآوار جتگیں دمگ جموں کشمیر ءَ کل جماعتی حریت کانفرنس ءِ کلانہ ایں سروک میر واعظ عمر فاروق ءَ کشمیری الس آں گوں اپیل کتگ کہ آ 5 اگست ءَ یوم ءِ سیاہ ءِ رنگ ءَ برجم داران ءَ دگنیا ءَ را سہرائیں کلوہ ءِ بدیاں کہ کشمیری وتی ماتیں وطن ءِ سر ءَ بھارت ءِ گیر کانودی گامگیج ءَ را قبول نہ کناں۔ کشمیر میڈیا سروس ءِ رد ءَ میر واعظ عمر فاروق ءَ 14 اگست 2019 ءَ چہ یک شلی ءَ گس ءَ بند انت سرینگر ءَ جاڑیگیں یک بیانے ءَ گوشت کہ کشمیری وتی بے کساس وت واجئی ءِ در جنگ ءَ تاں وتی جہد ءُ کوشست آناں جاڑی بدار انت۔ میر واعظ ءِ ھیال انت کہ 5 اگست ءِ مودی حکومت ءِ یک نیمگی گامگیج جموں کشمیر ءِ جتائیں پجار، دود ءُ ربیدگ، آباتی ءُ بنیاتی ھک آنی سر ءَ ارش انت۔
