کوئٹہ۔2اگست (اے پی پی):قبائلی سروک میر منظوراحمد پلال ءَ گوشت کہ بھارت ءِ نیمگ ءَ مقبوضہ کشمیر ءَ چہ آزاتی ءِ ھک ءَ پُلگ ءُ لگت مال کنگ بوتگ، 5 اگست ءَ سرجمیں پاکستان ءَ یوم ءِ استحصال برجم دارگ بیت ایشی ءِ تہءَ بھارتی حکومت ء، گیر کانودی کار ءَ را سرجمیں رنگ ءَ مذمت گرگ بیت۔ اے ھیالانی درشانی آئیءَ وتی بیان ءَ کت۔ آئی ءَ گوشت کہ بھارت بنی آدمی ھک ءُ میاں اوستمانی کانودءِ ھلاپ کتگ،سئے سال ءَ چہ پیسر بھارت ءَ یونائیٹڈ نیشن ءِ منوگری آنی لگت مالی ءَ کنان ءَ کشمیری آنی آزاتی ءَ را ڈگار جتگ۔ آئی ءَ گوشتکہ ماں پاکستانی بوھگ ءِبستار ءَ کشمیری آناں ھمک فورم ءِ سر ءَ ھمبراہ داری کناں، آئی ءَ اے جزم ءِ درشان کت کہ انشاء اللہ یک روچے الم کئیت کہ وھد ءِکشمیر آزات بیت ءُ ظلم ءُ زوراکی ءِ دور ءُ باریگ ھلاس بیت۔
