فیصل آباد۔ 02 اگست (اے پی پی) مسلم لیگ (ن) نا راہشون قومی اسمبلی نا باسک چوہدری شہباز بابر پارے کہ بھارتی فوجی جموں و کشمیر اٹی بے گناہ، کودک، مظلوم و کودک کشمیری تیا ظلم انا انتہاکننگ ءِ ولے اقوام عالم داڑآ خاموشی اختیار کرینے۔ اسہ اوڑدہی اسے ٹی اوپارے کہ پاکستانی قوم کشمیری الس تون ہم کوپہ سلوک ءِ ہرا مشکل نا ہر ساہت اٹی کشمیری ایڑھ ایلم تتون تفک۔ جموں و کشمیر جہانی وڑاٹ امنا مروک جھیڑہ ئی علاقہ سے ہرادے نن آخا سلامتی کونسل نا قرارداد آک متنازعہ پارہ، ہنداخاطرآن داسہ وخت بسنے کہ کشمیر ءِ بھارتی کوزہ غان آجو کرفنگے۔ اوپارے کہ پاکستانی قوم کشمیر نا ویل آ پورو وڑاٹ یکجاءِ۔ اوپارے کہ 5 اگست 2019 نا بھارتی گام آن پد مودی سرکار جموں وکشمیر اٹی مسلمان تا گیشتری ءِ اقلیت اٹی بدل کننگ کن مسلمان تا کشت و خون ءِ کننگ ءِ وبھارت آن ہزار آتا کچ اٹی آر ایس ایس نا انتہاپسند آتے کشمیر اٹی جاگہ تننگ انگ ءِ و اوفتے ہروڑ نا سلہہ ترسا فوجی بیرک آتیٹی تخنگانے۔ اوپارے کہ کشمیر پاکستان نا شہ رغ ءِ ہرانا ہر کنڈ انا رکھ ءِ کننگک و ہراتم اسکان کشمیر آجو مفک دا جہد برجاسلک۔
