اسلام آباد۔ 02 اگست (اے پی پی) سینیٹ نا قائمہ کمیٹی خارجہ امور نا دیوان پگہ (چارشنبے نادے آ ) مریک۔ سینیٹ سیکرٹریٹ نا رداٹ قائمہ کمیٹی خارجہ امور نا دیوان پارلیمنٹ ہاؤس اٹی مریک ہرانا کماشی ءِ کمیٹی نا چیئرمین سینیٹر فاروق ایچ نائیک کیک۔ دیوان اٹی وزیر خارجہ و سینیٹ اٹی اپوزیشن لیڈر آن بیدس کمیٹی نا باسک و تعلقدار کمامدارآک بشخ ہلیرہ۔ دیوان ءِ جموں وکشمیر نا …
سینیٹ نا قائمہ کمیٹی خارجہ امور نا دیوان پگہ (چارشنبے نادے آ) مریک
گیشتریں ھال
اسلام آباد۔ 02 اگست (اے پی پی) سینیٹ نا قائمہ کمیٹی خارجہ امور نا دیوان پگہ (چارشنبے نادے آ ) مریک۔ سینیٹ سیکرٹریٹ نا رداٹ قائمہ کمیٹی خارجہ امور نا دیوان پارلیمنٹ ہاؤس اٹی مریک ہرانا کماشی ءِ کمیٹی نا چیئرمین سینیٹر فاروق ایچ نائیک کیک۔ دیوان اٹی وزیر خارجہ و سینیٹ اٹی اپوزیشن لیڈر آن بیدس کمیٹی نا باسک و تعلقدار کمامدارآک بشخ ہلیرہ۔ دیوان ءِ جموں وکشمیر نا حالیت خاص وڑاٹ آرٹیکل 370 و A35نا چٹفنگ و ہندو توا پسند لیڈر آتا کنڈآن خواجہ نبی کریم صلی اللہ علیہ و آلہ وسلم نا شان اٹی گستاخانہ بیان تیان پد بھارت اٹی مسلمان تیا کروک آ ظلم و بیدادی نا ودوک آ واقعہ غاتا بارواٹ حوال تننگک۔ دیوان نا بشخ ہلوک آتے بھارتی عدالت نا کنڈآن کشمیری حریت راہشون محمد یاسین ملک ءِ اسہ فرضی مقدمہ سے ٹی سزابنفنگ و اوڑتون زندان اٹی روا تخوک آ غیر انسانی سلوک ءِ بے نقاب کننگ کن حکومت پاکستان نا گام گیج آتا بارواٹ حوال ہم تننگک۔
