اسلام آباد۔ 02 اگست (اے پی پی) الیکشن کمیشن پاکستان تحریک انصاف نا برخلاف ممنوعہ فنڈنگ کیس انا فیصلہ ءِ بنفے۔ ممنوعہ ذریعہ اٹ فنڈز دوئی مننگ آ پی ٹی آئی ءِ شوکاز نوٹس جاری کرے۔ سے شنبے نادےآ چیف الیکشن کمشنر سکندر سلطان راجہ نا کماشی ٹی مسہ باسکی بنچ پولیٹکل آرڈر 2002 نا شق 6 انا رداٹ تحریک انصاف آ ممنوعہ ذریعہ اٹ فنڈنگ نا دوئی کننگ نا اکبر ایس بابر نا غاو آ ڈک فیصلہ ءِ بنفے۔ فیصلہ ٹی پاننگانے کہ پی ٹی آئی ءِ ابراج گروپ تون اوار درملکی کمپنی تیان فنڈنگ دوئی مس، پی ٹی آئی تینا اکاؤنٹ آتے الیکشن کمیشن آن اودیم کرے۔ فیصلہ ٹی پاننگانے کہ دا پک مس کہ تحریک انصاف ممنوعہ فنڈنگ دوئی کرے۔ پی ٹی آئی عارف نقوی آن فنڈ ہلک۔ پی ٹی آئی 34 درملکی تیان فنڈ دوئی کرے۔ پی ٹی آئی 8 اکاؤنٹ آتا اعتراف کرے وخت اس کہ 13 اکاؤنٹ آتے اودیم تخا۔ پاکستان تحریک انصاف امریکہ غان فنڈنگ ہلک۔ فیصلہ ٹی پاننگاکہ پاکستان تحریک انصاف آ ممنوعہ فنڈنگ نا دوبہ پک مس۔ کمیشن تینا فیصلہ ٹی گوندانے کہ 16 اکاؤنٹ آتا سرجم آتے ڈکھنگ آرٹیکل 17 نا خلاف ورزی ءِ۔ الیکشن کمیشن پی ٹی آئی ءِ شوکاز نوٹس جاری کرے۔
