سیالکوٹ۔ 02 اگست (اے پی پی) پاکستان تون اوار مچ آ دنیا ٹی کشمیری تتون یکجہتی نا درشانی ءِ کننگ کن 5 اگست آ یوم استحصال کشمیر اڈ تننگک ہرانا مسخت مودی سرکار نا کنڈآن جموں و کشمیر آ کوزہ کن اونا خصوصی حیثیت ءِ چٹفسا دامان اٹی آرٹیکل 370 نا غیر کانودی گام گیج آتا مذمت ءِ کننگ ءِ۔ بھارتی فوج انا کنڈآن کشمیر نا گھیڑ ءِ مسہ سال پورو مننگ آ مچ آ پاکستان اٹی ہم دا دے ءِ یوم استحصال نا وڑاٹ اڈتننگک، داچرجوئی ٹی سیالکوٹ تون اوار مچ آ ملک اٹی ریلی کشنگک و دود آتا بست وبند ءِ کننگک، ہراٹی کشمیری تتون پبی یکجہتی نا درشانی ءِ کننگک و کشمیر اٹی مودی سرکار نا کنڈآن آرٹیکل 370 نا نفاذ آ برانزی مچی کننگک۔ 5 اگست 2019 آ بھارتی وزیراعظم نریندر مودی نا حکومت مقبوضہ جموں و کشمیر نا جتا ریاستی حیثیت ءِ چٹفسا مظلوم کشمیری تے اوفتا تینا ہی ریاست آن بے دخل کننگ نا سازش کرے اوکان پد دامان اٹی مچی تا خلیس آن لاک ڈائون نافذ کننگا۔
