کوئٹہ۔1اگست (اے پی پی): صوبائی وزیر ریونیو میر سکندر خان عمرانی ءَ گوشت کہ بھارتی فورسز آنی نیمگ ءَ چہ کشمیری الس آنی سر ءَظلم ءُ زوراکی ءِ کسو نکش کنگ بوتگ، ما کشمیری الس آنی سر ءَ ظلم ءُ زوراکی ءَ را مذمت گراں ءُ آوانی وت واجئی ءِ اخلاقی، سیاسی ءُ سفارتی تک ءَ کمکءَ را جاڑی دارگ ءِ جزم ءِ درشان ءَ کناں۔ 5 اگست یوم ءِ استحصال ءِ موہ ءَ وتی کلوہءَ وزیر ءِ ریونیو بلوچستان ءَ گوشتکہ بھارت ءَ توامیں بنی آدمی ھک آناں لگت مالک کنانءَ کشمیر ءِدمگ ءِ سر ءَ زبردستی ءَ وتی فوج ءَ را پترینتگ ءُ آھودا الس ءَ را وت واجئی ھکءَ چہ زبھر کتگ ، مرچی 76 سال گوزگ ءَ ابیدکشمیری الس ھمے رنگءَ بھارتی زوراکی ءِ آماچ انت۔ آ لائکءِ مذمت انت، پیریں زھگ، جنین آدم ، کودکیں زھگ آناں کشگ ءُ دور دیگ بوھگ ءَانت، آ ایوک ءَ ھمے واستہ چو کنگ ءَ انت کہ آ وتی ھک ءِ جنگ بزاں آشوب ءُ آجوئی ءَ چہ دست کش بہ بنت۔ آئی ءَ میاں اوستمانی برات ءُ بنی آدمی ھک آنی پھریزوکیں ادارگ آں گوں دست بندی کت کہ زوراکی ءُ لگت مالی ءِھلاسیءِواستہ وتی وتی کرد ءَ پیلو بکن انت۔
