اسلام آباد۔1اگست (اے پی پی):کل جماعتی حریت کانفرنس ءِ جنرل سیکرٹری شیخ عبدالمتین ءَ گوشتکہ 5 اگست 2019 ءَ یک نیمگی ءُ گیر کانودی بھارتی گامگیج آنی ھلاپ ءَ گوانک چست کنان ءَ پاکستان ءُ کشمیر ءِ الس اے روچ ءَ یوم ءَ استحصال ءِ رنگ ءَ برجم دار انت، بھارت ءِ 5 اگست ءِ گیر کانودی ءُ یک نیمگی گامگیج ءَ چہ پد مقبوضہ کشمیر ءَ مسلمان آنی آباتی ءِ رد ءَ گوں ترندی ءَ مٹ کنگ ءَانت، اے مول ءُ مراد ءِواستہ مقبوضہ کشمیر ءِ دمگ آنی تہ ءَبھارتی کانود جنگ بوتگ انت۔ دو شمبے ءَ اے پی پی ءَ گوں تران کنان ءَآئیء۔ گوشتکہ بھارت یک منصوبگ ءِ رد ءَ کشمیری الس ءَ را لگت مال کنگ ءَانت۔ آئی ءَ گوں میاں اوستمانی دگنیا ءِ گوما لوٹ کت کہ کشمیری الس آنی واھگ آنی رد ءَآواناں آجوئی پجاری کنگ بہ بیت۔
