اسلام آباد۔1اگست (اے پی پی):کل جماعتی حریت کانفرنس آزاد کشمیر ءُ پاکستان ءِ سیکرٹری اھوالکاری امتیاز وانی ءَ گوشت کہ بھارت مقبوضہ جموں کشزمیر ءَ را اردی چھاونی ءِ تہ ءَ مٹ کنگ ءَ انت، کوڑائیں جموریت ءُ سیکولرازم ءِ دعویدار بھارت ءِ فوج مقبوضہ کشمیر ءَ بنی آدمی ھک آناں ٹوھیں کساس ءَ لگت مالی ءَگوں دست مانج انت، دو شمبے ءَ اسلام آباد ءَ جاڑیگیں بیان ءَ آئی ءَ گوشتکہ بھات مقبوضہ جموں کشمیر ءَ بنی آدمی ھک آنی سرا سر ھلاپ کنگ ءَ انت، بھارتی فوج ھمک روچ شہری آناں کشگ ءُ ماڑی آناں تباہ کنگ ءَ انت، بھارتی فوج آں ریاستی ناشرکاری آناں یک شل ءَ جاڑی داشتگ۔ آئی ءَ گوشت کہ کشمیر ی الس بھارت ءِ گیت کانودی کپاریں ءُ 5 اگست 2019 ءِ گیر کانودی ءُ یک نیمگی گامگیج آناں یک شل ءَ رد کنت۔ آئی ءَ گوشت کہ میاں اوستمانی برات مقبوضہ جموں کشمیر ءِ کودکیں الس آنی لگت مالی ءُ زوراکی ءَچہ رکھینگ ءِ واستہ یونائیٹڈ نیشن منوگری آنی پد ءُ رندی ءَ آجوئی پجاری ءَ وتی وتی کرد ءَ پیلو بکن ات۔
