بنجاو بلوچستان حکومت قومی جوزہ اٹ زہمی تا بحالی و آبادکاری کن سنبرینگوک ءُ، ہراتم اسکان آخیریکو اُرا آباد مفک آرام اٹ تولپنہ، وزیراعظم شہباز شریف

کوئٹہ۔ 01 اگست (اے پی پی) وزیراعظم شہباز شریف پِر ونوکاپ زہمی تے 24 گھنٹہ ٹی معاوضہ  تننگ نا پارت کرسا پارینے کہ بنجائی و بلوچستان حکومت قومی جوزہ اٹ زہمی تا بحالی و آبادکاری کن سنبرینگوک ءُ۔ہراتم اسکان آخیریکو اُرا آباد مفک آرام اٹ تولپنہ۔ اوداخیال آتا درشانی ءِ دوشنبے نادے آ داڑے میڈیا تون گپ وتران کرسا کرے ۔ اوپارے کہ بھلا پِر تیان بھلو کچ اسے آ نسخان مسنے  ۔ نہادی جان تا نسخان آتون اوار اوار انفراسٹرکچر ءِ ہم نسخان رسینگانے۔انفراسٹرکچر نا بحالی کن این ایچ اے نا کوشست ستاکڑزک۔ اوپارے کہ پِر و نوکاپ آن زہمی علاقہ غاتیٹی این ڈی ایم اے ، پی ڈی ایم اے تون اوار ایلو ادارہ و بنجائی حکومت اواری اٹ گام گیج کننگ ءُ۔ بنجا وبلوچستان حکومت قومی جوزہ اٹ بحالی و آبادکاری کن سنبرینگوک ءُ۔ وزیراعظم این ڈی ایم اے ءِ پارت کرے کہ 24 گھنٹہ ٹی زوال کروک آ بندغ آتا خاہوت آتے مالی امداد فراوان کننگے۔ اوفتا خاہوت آتا بحالی ننا غٹ انا اسیجائی زمواری ءِ۔ امداد زہمی تا اُراتسکان سرکننگے۔ پی ڈی ایم اے و این ڈی ایم اے داٹی  بایدے ہرے کپ۔ ٹھپی مروک آتے ہم دمستی وڑاٹ مالی کمک فراوان کننگے۔ شہباز شریف پارے کہ ہرازہمی تا اُرا پورو یا جزوی وڑاٹ بھس مسنے اوفتا معاوضہ ءِ ودفسا 5 لکھ روپئی کننگانے۔ اوپارے کہ ہراتم اسکان آخیریکو زہمی اُرا آباد مفک آرام اٹ تولپنہ۔ اوپارے کہ سخیک ہم بایدے مون آ بریر۔ اوپارے کہ دابابت 3 تاریخ آ اسلام آباد اٹی دیوان اس مریک ہراٹی غٹ امور تا سرجمی اٹ جاچ ءِ ہلنگک۔