اسلام آباد۔ 01 اگست (اے پی پی) بنجائی وزیر خزانہ و محصولات مفتاح اسماعیل پاکستان نا زرگزرانی شونداری ٹی کاروباری برادری نا کڑد انا ستاءِ کرسا اوفتے باور کرفینے کہ حکومت پوریاگر برادری نا آسراتی و کمک کن غٹ المی گام گیج کیک۔ اوداہیت ءِ مرکزی تنظیم تاجران پاکستان نا ڈل اتون اوڑدہی ٹی پارے۔ تنظیم نا ڈل انا کماشی ءِ محمد کاشف چوہدری کرے، ڈل اٹی شرجیل میر، ضیااحمد راجہ، و طاہر تاج بھٹی ئسک اوار ئسر۔ صدر مرکز تنظیم تاجران پاکستان وزیر خزانہ ءِ پوریاگر برادری ءِ مون تروک ویل خاص وڑاٹ بجلی نا بل آتیا خراج نا بابت معلومدار کرے۔ ڈل وزیر خزانہ آن اوفتا ویل آتے ایسر کننگ نا خواست کرے وپارے کہ پوریاگر برادری ملک انا زرگزرانی شونداری ٹی نمان وڑاٹ و مثبت کڑد ادا کننگ ءِ۔ وزیرخزانہ پاکستان نا اقتصادی شونداری ٹی کاروباری برادری نا کڑد انا ستاءِ کرسا وفتے باور کرفے کہ ساڑی حکومت کمیونٹی نا آسراتی و کمک کن غٹ المی گام گیج کیک۔ وزیرخزانہ بجلی نا بل آتیا خراج خلنگ نا بابت گڑتی تے مر کننگ و ایلو ویل آتے ایسر کننگ نا باوری کرفے۔ ڈل کمکاری و اوفتا گڑتی تے مثبت وڑاٹ مرکننگ آ وزیر خزانہ نا منت واری ءِ ہرفے۔
