اسلام آباد۔1اگست (اے پی پی): بنجاھی وزیر دیمپانی خواجہ محمد آصف ءَگوشتکہ اے رند ءَ یوم ءِآزاتئی اے جزم ءِگوما برجم دارگ لوٹ ائیت کہ کشمیری آناں بھارتی ظلم ءُ زوراکی ءَ چہ آزات کنگ ءُ تاں مرگ ءَ کشمیر آنی ھمبراہ داری ءَ را یل نہ کنت۔ 5 اگست ءَ برجم بوھوکیں یوم استحصال ءِ ھوالگ ءَ دو شمبے ءَ “اے پی پی” ءَ گوں ھاسیں تران کنان ءَ وزیر ءِ دیمپانی خواجہ محمد آصف ءَ گوشتکہ یوم استحصال اے گپ ءِ درور انت کہ پاکستان ءَ ھوار سرجمیں دگنیا کشمیری آناں ظلم ءُ زوراکی ءَ چہ جان آنی رکھینگ ءِ واستہ وتی گیشاں چہ گیش کرد ءَ پیلو بکنت ءُ اے رند ءَ مارا آجوئی ءِ روچ ءِجزم ءِ گوما برجم دارگ لوٹ ائیت ما بزگیں کشمیری آناں بھاتی زوراکی ءَ چہ رکھیناں ءُ اچبر ایوک یل نہ کناں۔ آئی ءَگوشت میاں اوستمانی دگنیا ءِ الس ءَ دیم ءَ اے توامیں ظلم ءُ زوراکی آناں پدر کنگ ءِ ضلورت انت۔ آئی ءَ گوشت کہ پاکستان کشمیری آنی وت واجئی ءِ در جنگ ءِ واستہ وتی سیاسی، سفارتی ءُ اخلاقی کمک ءَ را مدام جاڑی دار ائیت۔
