بھارتی فوجیک جولائی ٹی 6 کشمیری تے شہید کریر

اسلام آباد۔ 01 اگست (اے پی پی) بھارت نا غیر کانودی کوزہ گیری ٹی جموں و کشمیر اٹی بھارتی فوجیک ریاستی دہشت گردی نا برجا کارروائی تیٹی تدوک آ تُو جولائی ٹی 6 کشمیری ءِ شہید کریر۔ کشمیر میڈیا سروس نا جاست وپاست بشخ انا کنڈآن جاری کروک حساب وکتاب نا رداٹ بھارتی ریاستی دہشت گردی نا گواچی مروک آتیان اِرا ورناءِ جعلی مقابلہ غاتیٹی شہید کننگانے۔ بھارتی فوجیک و پولیس کارندہ غاک جولائی نا تُو اٹی گھیڑ و پٹنگ نا 138 کارروائی تیٹی 38 شاری ءِ دزگیر کریر ہرافتیان زیات تر ورنا، سیاسی کارندہ و طالب علم اوار ءُ۔ اوفتیان زیات تر ءِ مون آ کانود پبلک سیفٹی ایکٹ و یو اے پی اے نا رداٹ دزگیر کننگا۔ فوجیک تدوک آ تُو گھیڑ و پٹنگ نا کارروائی تیٹی 2 ورناءِ ٹھپی وخت اس کہ اسہ ہند اسے بھس کرینو۔